Foto ©️ Tengrinews.kz / Týrar Kazangapov
Batys Qazaqstan oblysynda alty et kombinaty kiik etin óńdeýge daiyn, olardyń ishindegi eń irisi Oral qalasynda ornalasqan, - dep habarlaidy Tengrinews.kz.
Qalǵan et kombinattary Jańaqala, Jánibek, Kaztalov aýdandarynda, sondai-aq, Báiterek aýdanynda ornalasqan.
Jaqyn arada óńirde kiik sanyn retteý jumystary bastalady, jalpy kiik basynyń 20 paiyzyn alý josparlanyp otyr, bul - 460 myń janýar. Aýlaýǵa "Ohotzoopromnyń" tórt brigadasy jaýapty bolmaq.
"Aýyl sharýashylyǵy ministrligi barlyq memlekettik standartty bekitti. Biz konservilerdi qaita óńdep, olardy dúkenderde sata alamyz. Qajet protsedýralar oryndaldy", - dedi Batys Qazaqstan oblysy ákiminiń orynbasary Qaliiar Aitmuhambetov.
Eske salaiyq, buǵan deiin Qazaqstanda kiik etin óńdeýmen ainalysqysy keletin investorlar tabylǵany habarlandy. Bul týraly ekologiia jáne tabiǵi resýrstar ministri Erlan Nysanbaev málimdedi.
