Batys Qazaqstan oblysynda tótenshe jaǵdai talabyn buzǵan 32 adam ákimshilik jaýapkershilikke tartyldy, dep habarlaidy "Ult aqparat".
BQO prokýratýrasynyń baspasóz qyzmetinen túsken málimetke qaraǵanda, sonyń ishinde 18-ine qatysty ákimshilik qamaqqa alý týraly sheshim qabyldandy.
Ákimshilik isterdiń kópshiligi saýda (dúkender) jáne qoǵamdyq tamaqtaný (meiramhana, dámhanalar) oryndary ieleriniń tótenshe jaǵdai kezinde engizilgen shekteýlerdi oryndamaýyna bailanysty bolyp tur.
Budan basqa, karantinge jatqyzylǵan adam statsionardan óz betimen ketip qalǵandyqtan, oǵan ákimshilik aiyppul salyndy.
Meditsinalyq buiymdardy zańsyz satýdyń tórt dereginiń joly kesildi.
Koronavirýsqa qatysty kórineý jalǵan aqparat taratqan úsh adamǵa qatysty QR QK 274-babyna sáikes qylmystyq is qozǵalyp, tergeý amaldary júrgizilýde.
Oǵan kosa koronavirýsty juqtyrǵan adamnyń jeke málimetterin taratqany úshin bir qylmystyq is tirkeldi.
«Turǵyndar qaýipsizdigin qamtamasyz etý maqsatynda qabyldanǵan shekteý sharalaryn durys túsinip, densaýlyq saqtaý basqarmasy men politsiia qyzmetkerleriniń zańdy talaptaryn oryndaýdy suraimyz. Politsiianyń mundai talaptaryn buzǵany úshin 40 AEK mólsherinde aiyppul nemese 10 kúnge qamaqqa alý jazasy kózdelgenin eske salamyz. Sanitarlyq erejeler men gigienalyq normalardy buzǵany úshin QR Ákimshilik quqyq buzý kodeksi 425-babyna sáikes 2000 AEK, al baqylaýshy organdardyń aktileri men talaptaryn oryndamaǵany úshin (462-bap) 500 AEK kóleminde aiyppul salynady. Mundai nysandardyń qyzmeti de toqtatylady. Sondai-aq shyndyqqa sáikes kelmeitin málimetterdi taratpaýǵa shaqyramyz», - dep habarlady BQO prokýratýrasy.
Eske sala keteiik, budan buryn BQO-da 92 adamnyń karantinde jatqanyn jazǵan bolatynbyz.
