باتىس قازاقستان وبلىسىندا تٶتەنشە جاعداي تالابىن بۇزعان 32 ادام ەكٸمشٸلٸك جاۋاپكەرشٸلٸككە تارتىلدى, دەپ حابارلايدى "ۇلت اقپارات".
بقو پروكۋراتۋراسىنىڭ باسپاسٶز قىزمەتٸنەن تٷسكەن مەلٸمەتكە قاراعاندا, سونىڭ ٸشٸندە 18-ٸنە قاتىستى ەكٸمشٸلٸك قاماققا الۋ تۋرالى شەشٸم قابىلداندى.
ەكٸمشٸلٸك ٸستەردٸڭ كٶپشٸلٸگٸ ساۋدا (دٷكەندەر) جەنە قوعامدىق تاماقتانۋ (مەيرامحانا, دەمحانالار) ورىندارى يەلەرٸنٸڭ تٶتەنشە جاعداي كەزٸندە ەنگٸزٸلگەن شەكتەۋلەردٸ ورىنداماۋىنا بايلانىستى بولىپ تۇر.
بۇدان باسقا, كارانتينگە جاتقىزىلعان ادام ستاتسيوناردان ٶز بەتٸمەن كەتٸپ قالعاندىقتان, وعان ەكٸمشٸلٸك ايىپپۇل سالىندى.
مەديتسينالىق بۇيىمداردى زاڭسىز ساتۋدىڭ تٶرت دەرەگٸنٸڭ جولى كەسٸلدٸ.
كوروناۆيرۋسقا قاتىستى كٶرٸنەۋ جالعان اقپارات تاراتقان ٷش ادامعا قاتىستى قر قك 274-بابىنا سەيكەس قىلمىستىق ٸس قوزعالىپ, تەرگەۋ امالدارى جٷرگٸزٸلۋدە.
وعان كوسا كوروناۆيرۋستى جۇقتىرعان ادامنىڭ جەكە مەلٸمەتتەرٸن تاراتقانى ٷشٸن بٸر قىلمىستىق ٸس تٸركەلدٸ.
«تۇرعىندار قاۋٸپسٸزدٸگٸن قامتاماسىز ەتۋ ماقساتىندا قابىلدانعان شەكتەۋ شارالارىن دۇرىس تٷسٸنٸپ, دەنساۋلىق ساقتاۋ باسقارماسى مەن پوليتسييا قىزمەتكەرلەرٸنٸڭ زاڭدى تالاپتارىن ورىنداۋدى سۇرايمىز. پوليتسييانىڭ مۇنداي تالاپتارىن بۇزعانى ٷشٸن 40 اەك مٶلشەرٸندە ايىپپۇل نەمەسە 10 كٷنگە قاماققا الۋ جازاسى كٶزدەلگەنٸن ەسكە سالامىز. سانيتارلىق ەرەجەلەر مەن گيگيەنالىق نورمالاردى بۇزعانى ٷشٸن قر ەكٸمشٸلٸك قۇقىق بۇزۋ كودەكسٸ 425-بابىنا سەيكەس 2000 اەك, ال باقىلاۋشى ورگانداردىڭ اكتٸلەرٸ مەن تالاپتارىن ورىنداماعانى ٷشٸن (462-باپ) 500 اەك كٶلەمٸندە ايىپپۇل سالىنادى. مۇنداي نىسانداردىڭ قىزمەتٸ دە توقتاتىلادى. سونداي-اق شىندىققا سەيكەس كەلمەيتٸن مەلٸمەتتەردٸ تاراتپاۋعا شاقىرامىز», - دەپ حابارلادى بقو پروكۋراتۋراسى.
ەسكە سالا كەتەيٸك, بۇدان بۇرىن بقو-دا 92 ادامنىڭ كارانتيندە جاتقانىن جازعان بولاتىنبىز.
