Batys Qazaqstan oblysynda infektsiialyq statsionarlar sany 18-ge jetti, dep habarlaidy "Ult aqparat".
BQO densaýlyq saqtaý basqarmasy málim etkenindei, qazirgi tańda 1123 tósektik 18 aýrýhanada 566 naýqas em alýda.
Infektsiialyq statsionarlar 50,4 paiyzǵa tolǵan.
Basqarma málimetine qaraǵanda, jyl basynan beri oblysta 10459 adam koronavirýs juqtyrsa, sonyń 6634-inde aýrý belgileri bar, 3825-i – simptomy joqtar.
Tirkelgenderdiń teń jartysynan astamy nemese 59,4 paiyzy (6219) Oral qalasynyń úlesine tiedi. Sondai-aq Báiterek aýdanynda 1262 (12 paiyzy), Bórlide 1114 (10,6 paiyzy) adam syrqattandy.
Indet bastalǵannan beri barlyǵy 19680 adam (11299-y – aýrý belgileri bar, 8381-i – simptomy joqtar) dertke shaldyqty. 15384 adam saýyǵyp shyqsa, 286-sy kóz jumdy.
«Sońǵy táýlikte 73 adam (51-iniń aýrý belgileri bar) kovidpen tirkelse, 26 naýqas jazylyp shyqty. Aldyńǵy aptamen salystyrǵanda, sońǵy aptada indet juqtyrý kórsetkishi 18,5 paiyzǵa (222-ge) tómendedi», dep habarlady vedomstvodan.
Eske sala keteiik, budan buryn Batys Qazaqstanda tórt kúnde 577 adamnan koronavirýs tabylǵanyn jazǵan bolatynbyz.
