BQO qylmystyq ister jónindegi mamandandyrylǵan aýdanaralyq soty qoǵamdyq qaýipsizdik pen tártipke qarsy qylmysqa barǵan segiz adamǵa qatysty úkim shyǵardy, dep habarlaidy «QazAqparat».
BQO sotynyń baspasóz qyzmetinen túsken málimetke qaraǵanda, basty sot talqysynda anyqtalǵanyndai, «Tákfir» ýahapshyldyq aǵymdaǵy radikaldy dástúrli emes islam dinin ustanatyn Jańaqala aýylynyń (Jańaqala aýdany) turǵyny F.Ǵabdeshev 2016 jyldyń shildesinde osy aýylda turatyn A.Jantasov, T.Qismetov, A.Qaiyrǵaliev, M.Bijanov jáne N.Arystanovtyń basyn qosyp, lańkestik top qurǵan.
Qazaqstanda tyiym salynǵan halyqaralyq «IGIL» lańkestik uiymynyń ideiasyn nasihattaý maqsatynda atalǵan top músheleri, sondai-aq I.Ábekenov, M.Rahmetýllin uiymnyń jalaýyn daiyndap, sonyń aldynda sýretke túsken. Sosyn jalaýdy avtokólik salonynyń qaqpaǵynan shyǵaryp, otbasylarymen Jańaqala aýylynan 10 shaqyrym jerdegi Sorkóldiń jaǵasyna barǵan. Sol jerde jalaýdy jerge qadap, suq saýsaqtaryn kókke shoshaityp, qarýly jihadqa shaqyratyn «IGIL» ideiasyn jaqtaityn urandardy aityp, aiqailai bastaǵan.
Budan basqa, sol jyldyń shildesinde úilerine jinalǵan lańkestik top músheleri tamyzdyń sońynda nemese qyrkúiektiń basynda Jańaqala aýdandyq ishki ister bóliminiń ǵimaratynda lańkestik aktisin jasaýdy josparlaǵan. Atalǵan toptyń qatysýshylary bolmasa da, I.Ábekenov pen M.Rahmetýllin lańkestik aktisiniń daiyndalyp jatqanyn bile tura, ony quqyq qorǵaý organdaryna habarlamaǵan. Abyroi bolǵanda, lańkestik toptyń qylmystyq nieti UQK qyzmetkerlerimen ýaqtyly áshkerelenip, atalǵan adamdar ustaldy.
Sot F.Ǵabdeshevti QR QK 24-baby 1-bóligi-255-baby 4-bóligi (adamdarǵa, sondai-aq uiym ǵimaratyna shabýyl jasaýmen ushtasqan lańkestik aktisin jasaýǵa ázirlený), 256-baby 2-bóligi (buqaralyq aqparat quraldaryn nemese telekommýnikatsiia jelilerin paidalaný arqyly lańkestikti nasihattaý), 257-baby 1-bóligine (lańkestik uiym qurý, sondai-aq oǵan basshylyq jasaý) sáikes aiypty dep taýyp, QR QK 58-baby 4-bóligi negizinde jazany ishinara qosý arqyly múlkin tárkileýmen birge 15 jylǵa bas bostandyǵynan aiyrý jazasyn kesti.
A.Jantasov QR QK 174-baby 1-bóligi (dini arazdyqty týǵyzý), 24-baby 1-bóligi-255-baby 4-bóligi (adamdarǵa, sondai-aq uiym ǵimaratyna shabýyl jasaýmen ushtasqan lańkestik aktisin jasaýǵa ázirlený), 256-baby 2-bóligi (buqaralyq aqparat quraldaryn nemese telekommýnikatsiia jelilerin paidalaný arqyly lańkestikti nasihattaý), 257-baby 2-bóligine (lańkestik top qyzmetine nemese onyń jasaityn lańkestik aktisine qatysý) sáikes aiypty dep tanylyp, QR QK 58-baby 4-bóligi negizinde múlkin tárkileýmen birge 15 jylǵa bas bostandyǵynan aiyryldy.
T.Qismetov, A.Qaiyrǵaliev, M.Bijanov jáne N.Arystanov QR QK 24-baby 1-bóligi-255-baby 4-bóligi (adamdarǵa, sondai-aq uiym ǵimaratyna shabýyl jasaýmen ushtasqan lańkestik aktisin jasaýǵa ázirlený), 256-baby 2-bóligi (buqaralyq aqparat quraldaryn nemese telekommýnikatsiia jelilerin paidalaný arqyly lańkestikti nasihattaý), 257-baby 2-bóligine (lańkestik top qyzmetine nemese onyń jasaityn lańkestik aktisine qatysý) sáikes aiypty dep tanylyp, QR QK 58-baby 4-bóligi negizinde múlikterin tárkileýmen birge T.Qismetov 12 jylǵa, qalǵan úsheýi 11 jylǵa bas bostandyqtarynan aiyryldy.
I.Ábekenov pen M.Rahmetýllin QR QK 256-baby 2-bóligi (buqaralyq aqparat quraldaryn nemese telekommýnikatsiia jelilerin paidalaný arqyly lańkestikti nasihattaý), 434-babyna (daiyndalyp jatqany anyq belgili lańkestik aktisi týraly habarlamaý) sáikes aiypty dep tanylyp, múlikterin tárkileýmen birge I.Ábekenov 6 jyl 6 aiǵa, M.Rahmetýllin 5 jylǵa bas bostandyqtarynan aiyryldy.
Sot úkimi zańdy kúshine engen joq.
