Batys Qazaqstan oblysynyń Báiterek aýdanyndaǵy Ianvartsevo aýlynda jantúrshigerlik qylmys jasaldy. Bes kúnnen keiin er adamnyń denesi Jaiyq ózeninen tabyldy.
Jergilikti mgorod.kz portalynyń habarlaýynsha, 34 jastaǵy Mihail Krainov 25 qarasha kúni kórshi úige kirgen. Biraq qaita shyqqan joq. Sodan onyń qaryndasy – Klavdiia Krainova dabyl qaǵyp, aǵasyn izdei bastaǵan, dep jazady Sputnik.
"Sol kúni Misha aldymen bizdiń úide bolǵan, sál iship alǵan edi. Ózi kóp ishpeidi. Al keteriniń aldynda dalaǵa shyǵyp, temeki shekken. Sodan qatty masaiyp keti. Men ony shyǵaryp salamyn dep oilaǵanmyn. Biraq balalar mektepten keletin bolǵan soń, shyǵa almadym. Onymen birge anam bardy. Úiine deiin shyǵaryp saldy. Biraq ol kórshiniń úiine kirip ketti", - deidi Klavdiia.
Eki saǵattan keiin Klavdiia aǵasynyń dosynan Mihaildi kórip kelýge ótinish jasady. Anasy da erip bardy. Biraq ol úiinde joq bolyp shyqty. Jubaiy áli kelmegenin aitty.
"Erteńinde jeńgem ekeýimiz kórshiniń úiine bardyq. Ádette sóilesip ketetinbiz. Biraq osy joly úilerine kirsek, ústel basynda er adamdar araq iship otyr. Bári úndemeidi. "Misha qaida?" dep surap edim, ózderin oǵash ustady, bireýi keri burylyp, otyra qaldy. Birde-bir sóz aitpaidy. Sosyn bireýi Mishanyń múldem kelmegenin aitty. Biraq júregim onyń tiri emes ekenin sezdi", - dep atap ótti ol.
Osydan keiin Mihaildyń týǵan-týystary politsiiaǵa aryz túsirip, er adamdy ózdigimen izdeýge kiristi. Sol úige qaitadan bardy. Klavdiia barlyq shamnyń jarylyp ketkenin baiqady. Al jerde qannyń izderi boldy.
"Qandy baiqaǵanymyzdy kórgen kórshi bizdi qýa bastady. Dálel retinde qandy alaiyn desem, mursha bermedi. Aiǵailady, urysty, arnaiy qujatpen kelińder dep shyqty. Sodan ary qarai izdei bastadyq. Dárethanaǵa kirdik. Onyń ishinde qanǵa boialǵan baý jatyr. Sol kezde ony tunshyqtyryp óltirgenin túsindim", - deidi Klavdiia.
Bes kúnnen keiin Mihaildiń óli denesi Jaiyq ózeninen tabyldy. Al sol kúni kórshiniń úiinde bolǵan barlyq adamdy ustap áketti. Bireýi aǵynan jarylyp, kináni óz moinyna aldy. Biraq Klavdiia oǵan senbei otyr. Bir adam tepse temir úzetin Mihaildi óltire almaidy deidi ol.
"Birinshiden, ol kisi fizikalyq turǵyda Mishaǵa qarsy tura almaidy. Ekinshiden, qylmystyń mán-jaiyna qaraǵanda ony basqa adam jasaǵan. Mihaildyń tamaǵyna istikti qadaǵan. Ol jerde adamnyń barmaǵy syiatyn tesik qaldy. Artynan tunshyqtyrǵan. Betin byt-shyt qylǵan, saý jeri qalmady. Balǵamen urǵan siiaqty. Sosyn aiǵaqtardy jasyrý úshin denesin Jaiyqqa laqtyryp tastaǵan", - dedi qaryndasy.
Batys Qazaqstan oblystyq politsiia departamenti qaitys bolǵan er adamnyń iz-túzsiz joǵalǵandar tiziminde bolǵanyn rastady. 30 qarasha kúni Ianvartsevo aýylyn jaqyn jerde Jaiyq ózeniniń jaǵasynda Mihaildiń denesi tabyldy. Ony zorlyqpen óltirgeni anyqtaldy. Sebebi denesinde jaraqat izderi bar.
Qazirgi kezde Qylmystyq kodekstiń 99-baby (Adam óltirý) boiynsha sotqa deiingi tergeý bastaldy. Tergeý basqarmasy bastyǵynyń mindetin atqarýshy Mahambet Temirbaevtyń aitýynsha, kúdikti ustaldy. Ol – marqumnyń aýyldasy. Ony ýaqytsha ustaý abaqtysyna qamap qoidy.
Tergeý sharalary jalǵasyp jatyr. Qajetti saraptamalar taǵaiyndaldy. Qylmys janjaldyq nátijesinde jasaldy. Ony kýágerler de rastap otyr. Zattai aiǵaqtar tárkilendi. Qylmys quraly da tabyldy.
Mihaildy, shynymen de kórshiniń úiinde óltirgen. Ony metall zatpen urǵan, sosyn tunshyqtyrdy. Onyń artynda úsh balasy qaldy.
