باتىس قازاقستان وبلىسىنىڭ بەيتەرەك اۋدانىنداعى يانۆارتسەۆو اۋلىندا جانتٷرشٸگەرلٸك قىلمىس جاسالدى. بەس كٷننەن كەيٸن ەر ادامنىڭ دەنەسٸ جايىق ٶزەنٸنەن تابىلدى.
جەرگٸلٸكتٸ mgorod.kz پورتالىنىڭ حابارلاۋىنشا, 34 جاستاعى ميحايل كراينوۆ 25 قاراشا كٷنٸ كٶرشٸ ٷيگە كٸرگەن. بٸراق قايتا شىققان جوق. سودان ونىڭ قارىنداسى – كلاۆدييا كراينوۆا دابىل قاعىپ, اعاسىن ٸزدەي باستاعان, دەپ جازادى Sputnik.
"سول كٷنٸ ميشا الدىمەن بٸزدٸڭ ٷيدە بولعان, سەل ٸشٸپ العان ەدٸ. ٶزٸ كٶپ ٸشپەيدٸ. ال كەتەرٸنٸڭ الدىندا دالاعا شىعىپ, تەمەكٸ شەككەن. سودان قاتتى ماسايىپ كەتٸ. مەن ونى شىعارىپ سالامىن دەپ ويلاعانمىن. بٸراق بالالار مەكتەپتەن كەلەتٸن بولعان سوڭ, شىعا المادىم. ونىمەن بٸرگە انام باردى. ٷيٸنە دەيٸن شىعارىپ سالدى. بٸراق ول كٶرشٸنٸڭ ٷيٸنە كٸرٸپ كەتتٸ", - دەيدٸ كلاۆدييا.
ەكٸ ساعاتتان كەيٸن كلاۆدييا اعاسىنىڭ دوسىنان ميحايلدٸ كٶرٸپ كەلۋگە ٶتٸنٸش جاسادى. اناسى دا ەرٸپ باردى. بٸراق ول ٷيٸندە جوق بولىپ شىقتى. جۇبايى ەلٸ كەلمەگەنٸن ايتتى.
"ەرتەڭٸندە جەڭگەم ەكەۋٸمٸز كٶرشٸنٸڭ ٷيٸنە باردىق. ەدەتتە سٶيلەسٸپ كەتەتٸنبٸز. بٸراق وسى جولى ٷيلەرٸنە كٸرسەك, ٷستەل باسىندا ەر ادامدار اراق ٸشٸپ وتىر. بەرٸ ٷندەمەيدٸ. "ميشا قايدا?" دەپ سۇراپ ەدٸم, ٶزدەرٸن وعاش ۇستادى, بٸرەۋٸ كەرٸ بۇرىلىپ, وتىرا قالدى. بٸردە-بٸر سٶز ايتپايدى. سوسىن بٸرەۋٸ ميشانىڭ مٷلدەم كەلمەگەنٸن ايتتى. بٸراق جٷرەگٸم ونىڭ تٸرٸ ەمەس ەكەنٸن سەزدٸ", - دەپ اتاپ ٶتتٸ ول.
وسىدان كەيٸن ميحايلدىڭ تۋعان-تۋىستارى پوليتسيياعا ارىز تٷسٸرٸپ, ەر ادامدى ٶزدٸگٸمەن ٸزدەۋگە كٸرٸستٸ. سول ٷيگە قايتادان باردى. كلاۆدييا بارلىق شامنىڭ جارىلىپ كەتكەنٸن بايقادى. ال جەردە قاننىڭ ٸزدەرٸ بولدى.
"قاندى بايقاعانىمىزدى كٶرگەن كٶرشٸ بٸزدٸ قۋا باستادى. دەلەل رەتٸندە قاندى الايىن دەسەم, مۇرشا بەرمەدٸ. ايعايلادى, ۇرىستى, ارنايى قۇجاتپەن كەلٸڭدەر دەپ شىقتى. سودان ارى قاراي ٸزدەي باستادىق. دەرەتحاناعا كٸردٸك. ونىڭ ٸشٸندە قانعا بويالعان باۋ جاتىر. سول كەزدە ونى تۇنشىقتىرىپ ٶلتٸرگەنٸن تٷسٸندٸم", - دەيدٸ كلاۆدييا.
بەس كٷننەن كەيٸن ميحايلدٸڭ ٶلٸ دەنەسٸ جايىق ٶزەنٸنەن تابىلدى. ال سول كٷنٸ كٶرشٸنٸڭ ٷيٸندە بولعان بارلىق ادامدى ۇستاپ ەكەتتٸ. بٸرەۋٸ اعىنان جارىلىپ, كٸنەنٸ ٶز موينىنا الدى. بٸراق كلاۆدييا وعان سەنبەي وتىر. بٸر ادام تەپسە تەمٸر ٷزەتٸن ميحايلدٸ ٶلتٸرە المايدى دەيدٸ ول.
"بٸرٸنشٸدەن, ول كٸسٸ فيزيكالىق تۇرعىدا ميشاعا قارسى تۇرا المايدى. ەكٸنشٸدەن, قىلمىستىڭ مەن-جايىنا قاراعاندا ونى باسقا ادام جاساعان. ميحايلدىڭ تاماعىنا ٸستٸكتٸ قاداعان. ول جەردە ادامنىڭ بارماعى سىياتىن تەسٸك قالدى. ارتىنان تۇنشىقتىرعان. بەتٸن بىت-شىت قىلعان, ساۋ جەرٸ قالمادى. بالعامەن ۇرعان سيياقتى. سوسىن ايعاقتاردى جاسىرۋ ٷشٸن دەنەسٸن جايىققا لاقتىرىپ تاستاعان", - دەدٸ قارىنداسى.
باتىس قازاقستان وبلىستىق پوليتسييا دەپارتامەنتٸ قايتىس بولعان ەر ادامنىڭ ٸز-تٷزسٸز جوعالعاندار تٸزٸمٸندە بولعانىن راستادى. 30 قاراشا كٷنٸ يانۆارتسەۆو اۋىلىن جاقىن جەردە جايىق ٶزەنٸنٸڭ جاعاسىندا ميحايلدٸڭ دەنەسٸ تابىلدى. ونى زورلىقپەن ٶلتٸرگەنٸ انىقتالدى. سەبەبٸ دەنەسٸندە جاراقات ٸزدەرٸ بار.
قازٸرگٸ كەزدە قىلمىستىق كودەكستٸڭ 99-بابى (ادام ٶلتٸرۋ) بويىنشا سوتقا دەيٸنگٸ تەرگەۋ باستالدى. تەرگەۋ باسقارماسى باستىعىنىڭ مٸندەتٸن اتقارۋشى ماحامبەت تەمٸرباەۆتىڭ ايتۋىنشا, كٷدٸكتٸ ۇستالدى. ول – مارقۇمنىڭ اۋىلداسى. ونى ۋاقىتشا ۇستاۋ اباقتىسىنا قاماپ قويدى.
تەرگەۋ شارالارى جالعاسىپ جاتىر. قاجەتتٸ ساراپتامالار تاعايىندالدى. قىلمىس جانجالدىق نەتيجەسٸندە جاسالدى. ونى كۋەگەرلەر دە راستاپ وتىر. زاتتاي ايعاقتار تەركٸلەندٸ. قىلمىس قۇرالى دا تابىلدى.
ميحايلدى, شىنىمەن دە كٶرشٸنٸڭ ٷيٸندە ٶلتٸرگەن. ونى مەتالل زاتپەن ۇرعان, سوسىن تۇنشىقتىردى. ونىڭ ارتىندا ٷش بالاسى قالدى.
