Batys Qazaqstan oblysynda trassada dári-dármek tielgen «GAZel» avtokóligi janyp ketti, dep habarlaidy QazAqparat.
BQO TJ departamentiniń baspasóz qyzmeti málim etkenindei, oqiǵa 16 qarasha kúni saǵat 23.49-da Oral-Atyraý joly boiynda, Aqjaiyq aýdany Samal eldi mekeni tusynda boldy.
«Mýratova» jeke kásipkerligine tiesili, 21 jasar júrgizýshi aidap kele jatqan «GAZel» avtokóligi otqa orandy.
Órt saǵat 00.45-te oqshaýlanyp, 01.15-te sóndirildi. Zardap shekkender joq.
BQO politsiia departamentiniń baspasóz qyzmeti oqiǵanyń Oral-Atyraý 105- shaqyrymynda bolǵanyn jetkizdi.
Oqiǵa ornynda politsiia qyzmetkerleri de jumys istedi.
