Foto: ashyq derekkóz
Batys Qazaqstan oblysynda 13–14 jeltoqsan kúnderi soqqan qatty boran adam shyǵynyna ákeldi. Tótenshe jaǵdailar departamentiniń málimetinshe, óńirde úsh adam kóz jumyp, bir adam aman qutqaryldy, dep habarlaidy Ult.kz.
Qaiǵyly oqiǵalar birneshe aýdanda tirkelgen. Jánibek aýdanynda 58 jastaǵy er adamnyń máiiti tabylsa, Bókei ordasy aýdanynda 25 jastaǵy azamat qaza bolǵan. Al Qaztalov aýdanynda boran kezinde habar-osharsyz ketken 35 jastaǵy er adamnyń denesin qutqarýshylar anyqtady. Aldyn ala málimetke sáikes, marqumdardyń barlyǵy qatty aiaz saldarynan úsip qaitys bolǵan.
Sondai-aq taǵy bir turǵyn tiri tabylyp, onyń aiaq-qolyn úsik shalǵany anyqtaldy. Qazirgi ýaqytta ol Oral qalasyndaǵy meditsinalyq mekemege jetkizildi.
15 jeltoqsanǵa deiingi derek boiynsha bir adam áli izdestirilip jatyr. Joǵalǵan azamat — Jánibek aýdanynyń 59 jastaǵy turǵyny. Ol 13 jeltoqsan kúni keshki ýaqytta qystaýdan shyǵyp ketken.
Izdeý-qutqarý jumystaryna tótenshe jaǵdailar qyzmeti, politsiia, áskeri bólim ókilderi men jergilikti atqarýshy organdar jumyldyrylǵan.
