Batys Qazaqstan oblysynda 359 adam karantindik statsionarda jatyr, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetinen alynǵan málimetke qaraǵanda, qazirgi tańda 113 adam oblystyq juqpaly aýrýlar aýrýhanasynda emdelýde.
Sondai-aq 20 adam provizorlyq statsionarda jatsa, 1478 adam úiden baqylanýda.
Búgingi málimet boiynsha, oblysta 6 naýqas tirkelse, sonyń ekeýi – Resei Federatsiiasynda vahtalyq ádispen jumys isteitin Túrkistan oblysy men Shymkent qalasynyń 23 jáne 24 jastaǵy turǵyndary. Olar «Syrym» beketinen ótkennen keiin karantindik statsionarǵa jatqyzylyp, zerhanalyq synama alynǵannan keiin anyqtalǵan.
Sonymen qatar 2 kishi meditsina qyzmetkeri koronavirýs juqtyrsa, taǵy ekeýi – statsionar qyzmetkerleri. Olar buryn aýyrǵandarmen qarym-qatynasta bolǵan.
Osylaisha BQO-da syrqattanǵandar sany 122-ge jetse, sonyń jeteýi jazylyp shyqty. Aýyrǵandardyń ishinde 12-si – meditsina qyzmetkerleri.
