Batys Qazaqstan oblysynda azamat soǵysy kezinen qalǵan snariadtar tabyldy, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, birinshi oqiǵa 26 sáýir kúni Báiterek aýdany Jańatań aýyly tusynda boldy.
Malshy bolyp jumys jasaityn 1983 jylǵy turǵyn aýyldan 4-5 shaqyrym qashyqtyqta temir izdep, jer qazyp júrip, uzyndyǵy 300 mm, diametri 75 mm metall snariad taýyp alǵan.
Oqiǵa ornyna saperlar dereý jetip, snariadty joidy. Mamandardyń saraptamasyna sáikes snariad azamat soǵysy jyldarynan beri jatqan bolyp shyqty.
Sondai-aq 27 sáýir kúni shamamen saǵat 11.50-de Báiterek aýdany Dariian aýylynyń shetinde 1988 jylǵy turǵyn uzyndyǵy 350 mm, diametri 76 mm artilleriialyq snariad taýyp alǵan. Aldyn ala málimetke qaraǵanda, joiylǵan bul snariad ta azamat soǵysy kezinen qalǵan.
