Batys Qazaqstan oblysynda qańtar aiynda 58 baladan koronavirýs anyqtaldy, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, qyrkúiek aiynan beri óńirde 263 bala indet juqtyrǵan.
Sonyń ishinde qyrkúiekte - 4, qazanda - 5, qarashada - 102, jeltoqsanda 78 bala aýyrdy. Qarasha men jeltoqsanda 16 balabaqsha tárbielenýshisi syrqattandy. Balalardyń bári de indetti otbasy múshelerinen juqtyrdy.
Oblysta osy kezge deiin 10 030 adam dertke shaldyqsa, sonyń 8 661-i jazylyp shyqty. 183 adam ómirden ozdy.
Qazirgi tańda juqpaly aýrýlar statsionarlarynda 299 adam emdelip jatyr. 28 adam jansaqtaý bóliminde.
Eske sala keteiik, BQO-nyń bes aýdanynda karantin kúsheitildi.
