Batys Qazaqstan oblysynda 2 531 adam Pfizer vaktsinasyn aldy, dep habarlaidy QazAqparat.
BQO densaýlyq saqtaý basqarmasynyń baspasóz qyzmeti málim etkendei, sonyń 1426-sy jasóspirimder bolsa, 81-i – júkti, 1024-i – sábi emizetin áielder.
Sondai-aq 1430 adam revaktsinatsiiadan ótti.
Osy kezge deiin 250 296 adam (egilýge tiisti turǵyndardyń 60,4 paiyzy) vaktsinanyń birinshi, 233 462-si (56,3 paiyz) ekinshi komponentin qabyldady.
Qazirgi kezde qoimalarda 89 364 doza I, 106 278 doza II komponent bar.
Basqarmadan túsken málimetke qaraǵanda, óńirde pandemiia bastalǵannan beri 39 814, biyl 30 593 naýqas tirkeldi.
Jyl basynan beri aýyrǵan 3006 balanyń 2987-si jazylyp shyqty. 19-y saýyǵý ústinde.
Kúni búgin 286 patsient ambýlatorlyq, 117 naýqas statsionarlyq em alýda. Jansaqtaý bóliminde jatqan 9 adamnyń tórteýi invazivti emes jasandy tynys alý apparatyna, ekeýi ottegi kontsentratoryna qosylǵan.
Jyl basynan 672, sońǵy aptada 5 naýqas koronavirýstan kóz jumdy.
