Batys Qazaqstan oblysynda jol apatynan eki adam qaza tapty, dep habarlaidy QazAqparat.
BQO TJ departamentiniń baspasóz qyzmeti málim etkendei, oqiǵa 31 qańtar kúni shamamen saǵat 13.10-da Aqjaiyq aýdany aýmaǵynda boldy.
Chapaev-Kaztalov avtojolynyń 15-shaqyrymynda «VAZ-2107» men «Toiota Kamri» avtokóligi betpe-bet soqtyǵysty.
Sonyń saldarynan «VAZ-2107» avtokóliginiń júrgizýshisi men jolaýshysy oqiǵa ornynda qaza tapty.
Túrli jaraqat alǵan alty adam trassalyq-meditsinalyq qutqarý beketiniń kúshimen Aqjaiyq aýdandyq ortalyq aýrýhanasyna jetkizildi. Olardyń ishinde 2021 jylǵy sábi bar.
BQO politsiia departamentiniń baspasóz qyzmeti oqiǵany rastap, «VAZ-2107» avtokóliginiń 1995 jylǵy júrgizýshisi rýlge ie bola almai, «Toiota Kamrimen» túiiskenin jetkizdi.
Qazirgi kezde QR QK 345-baby 4-bóligine sáikes sotqa deiingi tergeý amaldary júrgizilýde.
BQO densaýlyq saqtaý basqarmasynyń baspasóz qyzmeti naqtylaǵanyndai, kóptegen jaraqat alǵan 1960 jylǵy er adam aýdandyq aýrýhananyń hirýrgiia bóliminde jatyr. 1982 jylǵy áiel de sonda, onyń jaq súiekteri, qoly synǵan. Bas pen midyń jaraqatyna qosa keýdesinen qatty soqqy alǵan. 1999 jylǵy jigit bas pen midyń jabyq jaraqatyn alyp, omyrtqasy synǵan. Tize býynynan qatty soqqy alǵan 1987 jylǵy er adam men shat súiegi synǵan 1998 jylǵy qyz ambýlatoriialyq em alýǵa jiberildi. 2021 jylǵy sábi jaraqat almaǵan.
Jol apatynan qaza tapqannyń ekinshisi - 1987 jylǵy er adam.
