باتىس قازاقستان وبلىسىندا جول اپاتىنان ەكٸ ادام قازا تاپتى, دەپ حابارلايدى قازاقپارات.
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەندەي, وقيعا 31 قاڭتار كٷنٸ شامامەن ساعات 13.10-دا اقجايىق اۋدانى اۋماعىندا بولدى.
چاپاەۆ-كازتالوۆ اۆتوجولىنىڭ 15-شاقىرىمىندا «ۆاز-2107» مەن «تويوتا كامري» اۆتوكٶلٸگٸ بەتپە-بەت سوقتىعىستى.
سونىڭ سالدارىنان «ۆاز-2107» اۆتوكٶلٸگٸنٸڭ جٷرگٸزۋشٸسٸ مەن جولاۋشىسى وقيعا ورنىندا قازا تاپتى.
تٷرلٸ جاراقات العان التى ادام تراسسالىق-مەديتسينالىق قۇتقارۋ بەكەتٸنٸڭ كٷشٸمەن اقجايىق اۋداندىق ورتالىق اۋرۋحاناسىنا جەتكٸزٸلدٸ. ولاردىڭ ٸشٸندە 2021 جىلعى سەبي بار.
بقو پوليتسييا دەپارتامەنتٸنٸڭ باسپاسٶز قىزمەتٸ وقيعانى راستاپ, «ۆاز-2107» اۆتوكٶلٸگٸنٸڭ 1995 جىلعى جٷرگٸزۋشٸسٸ رۋلگە يە بولا الماي, «تويوتا كامريمەن» تٷيٸسكەنٸن جەتكٸزدٸ.
قازٸرگٸ كەزدە قر قك 345-بابى 4-بٶلٸگٸنە سەيكەس سوتقا دەيٸنگٸ تەرگەۋ امالدارى جٷرگٸزٸلۋدە.
بقو دەنساۋلىق ساقتاۋ باسقارماسىنىڭ باسپاسٶز قىزمەتٸ ناقتىلاعانىنداي, كٶپتەگەن جاراقات العان 1960 جىلعى ەر ادام اۋداندىق اۋرۋحانانىڭ حيرۋرگييا بٶلٸمٸندە جاتىر. 1982 جىلعى ەيەل دە سوندا, ونىڭ جاق سٷيەكتەرٸ, قولى سىنعان. باس پەن ميدىڭ جاراقاتىنا قوسا كەۋدەسٸنەن قاتتى سوققى العان. 1999 جىلعى جٸگٸت باس پەن ميدىڭ جابىق جاراقاتىن الىپ, ومىرتقاسى سىنعان. تٸزە بۋىنىنان قاتتى سوققى العان 1987 جىلعى ەر ادام مەن شات سٷيەگٸ سىنعان 1998 جىلعى قىز امبۋلاتورييالىق ەم الۋعا جٸبەرٸلدٸ. 2021 جىلعى سەبي جاراقات الماعان.
جول اپاتىنان قازا تاپقاننىڭ ەكٸنشٸسٸ - 1987 جىلعى ەر ادام.
