Batys Qazaqstan oblysynda karantindik shekteý sharalary 3 tamyzdan bastap 16 tamyzǵa deiin uzartyldy, dep habarlaidy "Ult aqparat".
BQO bas memlekettik sanitar dárigeriniń 2 tamyz kúngi qaýlysyna sáikes, burynǵysha saǵat 23.00-den bastap tańǵy 06.00-ge deiin avtokólik qozǵalysyna tyiym salyndy.
Sol sekildi senbi, jeksenbige keletin 8, 9, 15 jáne 16 tamyz kúnderi ashyq úlgidegi azyq-túlik jáne azyq-túlik satpaityn bazarlardyń qyzmeti toqtatylady. Sondai-aq osy kúnderi qoǵamdyq kólik te júrmeidi.
Degenmen qoǵamdyq tamaqtaný nysandaryna (saǵat 10.00-den 22.00-ge deiin) tek ashyq aýada (jazǵy alańdar) ujymdyq is-sharalardy ótkizbei (ústelder arasynda 2 metrden kem emes araqashyqtyqty saqtaý, bir ústelge otyrýshylar sany 4 adamnan aspaýy tiis) jumys isteýge, sondai-aq belgilengen ýaqyt aralyǵynda jetkizý jáne shyǵaryp berý qyzmetterin júzege asyrýǵa ruqsat etiledi.
Menshik nysanyna qaramastan, barlyq uiymdar men kásiporyndar sanitarlyq-epidemiologiialyq rejimniń saqtalýyn qamtamasyz etýi tiis.
