Kúngei men batys arasyndaǵy bailanys odan ári nyǵaia túsedi. Kúni keshe Ońtústikke Batys Qazaqstannan delegatsiia arnaiy jumys saparymen kelgen bolatyn. Sonyń nátijesinde eki óńirdiń ákimderi bas bolyp, kásipkerleri qoshtap, birneshe kelisimge qol qoiyldy. Aita keteiik, bul – batys qazaqstandyqtardyń óńirimizge ekinshi ret taban tireýi. Jumys sapary barysynda delegatsiia músheleri «Ońtústik» indýstrialdy aimaǵynda ornalasqan birneshe iri kásiporyndy aralap, jumys barysymen tanysty.
Qonaqtardyń alǵashqy bas suqqan óndiris orny – shyny shyǵarýmen ainalysatyn «Evrokristall» seriktestigi boldy. Tútini túzý ushyp, tirligi qainap jatqan kásiporyn búginde ishki naryqty qamtyp qana qoimai, eksport kólemin de arttyryp keledi. Batysqazaqstandyq qonaqtarǵa shynyny qainatýdan bastap, daiyn ónimdi qattaýǵa deiingi jumys protsesi tanystyryldy. Shyny shyǵaratyn zaýyttyń elimizde balamasy joq. Ónimderin Qyrǵyzstan, Tájikstan, Túrkimenstanǵa eksporttaidy. Óndiris ornynda 350 adam jumys isteidi. Jylyna 200 mln shyny shyǵaratyn kásiporyn jumysynyń 95 paiyzy avtomattandyrylǵan.
Rýstam Sahov, «Evrokristall» JShS bas direktory: “Byltyr taǵy bir peshimizdi óndiriske qostyq. Bul óz kezeginde jumys qarqynyn úsh esege arttyryp otyr. Jobanyń jalpy quny 5 mlrd teńgeni quraidy. «Jol kartasy» baǵdarlamasy arqyly «Damý» qory qarjylandyrǵan bolatyn, al ekinshi kezekte «Qazaqstannyń damý banki» kómek qolyn sozdy. Búginde óndirisimiz qarqyndy damý ústinde.”
Kúngeilik iskerlerdiń kásibi batystaǵy aǵaiynnyń kóńilinen shyqty. Qonaqtar Ońtústiktegi tyndyrymdy tirlikten alar úlgimiz jeterlik deidi.
Erjan Altaev, “Oral ÁKK” UK basqarma tóraǵasy: “Ońtústik Qazaqstan men Batys Qazaqstan oblystary – qarqyndy damyp kele jatqan oblystar. Elbasynyń tapsyrmasy boiynsha óńiraralyq kooperatsiiany damytý bastamasy kóterilgeni belgili. Osyǵan orai eki oblys arasynda memorandýmǵa qol qoiyldy. Delegatsiia quramynda iri investorlar, iri kásiporyn ieleri bar. «Shymkenttsement» zaýyty men «KPO» kompaniiasy arasynda kelisimshart túzildi. Endi «Shymkenttsement» Oral óńirin tsementpen qamtamasyz etetin bolady. Kúngeidiń indýstriialdy aimaqtardy aralap jatyrmyz. Úlgi alatyn tustar jeterlik.”
Batysqazaqstandyqtar Ońtústiktiń kásipkerlerin ózderine shaqyryp, atalǵan oblysta zaýyttaryn ashýǵa úndeý tastady. Osy arqyly Eýraziialyq ekonomikalyq aimaǵynyń naryǵyna shyǵýdy kózdep otyr. Bul óz kezeginde eki oblys úshin de ekonomikalyq jaǵynan óte tiimdi bolary sózsiz.
Budan keiin oraldyq delegattar motor maiyn shyǵaratyn «Hill korporeishn» jáne «Álem BT» óndiris oryndaryn aralap, jetistikterdi saralap, óz baǵalaryn berdi.
Gúljan Kósherova, otyrar.kz
