كٷنگەي مەن باتىس اراسىنداعى بايلانىس ودان ەرٸ نىعايا تٷسەدٸ. كٷنٸ كەشە وڭتٷستٸككە باتىس قازاقستاننان دەلەگاتسييا ارنايى جۇمىس ساپارىمەن كەلگەن بولاتىن. سونىڭ نەتيجەسٸندە ەكٸ ٶڭٸردٸڭ ەكٸمدەرٸ باس بولىپ, كەسٸپكەرلەرٸ قوشتاپ, بٸرنەشە كەلٸسٸمگە قول قويىلدى. ايتا كەتەيٸك, بۇل – باتىس قازاقستاندىقتاردىڭ ٶڭٸرٸمٸزگە ەكٸنشٸ رەت تابان تٸرەۋٸ. جۇمىس ساپارى بارىسىندا دەلەگاتسييا مٷشەلەرٸ «وڭتٷستٸك» يندۋستريالدى ايماعىندا ورنالاسقان بٸرنەشە ٸرٸ كەسٸپورىندى ارالاپ, جۇمىس بارىسىمەن تانىستى.
قوناقتاردىڭ العاشقى باس سۇققان ٶندٸرٸس ورنى – شىنى شىعارۋمەن اينالىساتىن «ەۆروكريستالل» سەرٸكتەستٸگٸ بولدى. تٷتٸنٸ تٷزۋ ۇشىپ, تٸرلٸگٸ قايناپ جاتقان كەسٸپورىن بٷگٸندە ٸشكٸ نارىقتى قامتىپ قانا قويماي, ەكسپورت كٶلەمٸن دە ارتتىرىپ كەلەدٸ. باتىسقازاقستاندىق قوناقتارعا شىنىنى قايناتۋدان باستاپ, دايىن ٶنٸمدٸ قاتتاۋعا دەيٸنگٸ جۇمىس پروتسەسٸ تانىستىرىلدى. شىنى شىعاراتىن زاۋىتتىڭ ەلٸمٸزدە بالاماسى جوق. ٶنٸمدەرٸن قىرعىزستان, تەجٸكستان, تٷركٸمەنستانعا ەكسپورتتايدى. ٶندٸرٸس ورنىندا 350 ادام جۇمىس ٸستەيدٸ. جىلىنا 200 ملن شىنى شىعاراتىن كەسٸپورىن جۇمىسىنىڭ 95 پايىزى اۆتوماتتاندىرىلعان.
رۋستام ساحوۆ, «ەۆروكريستالل» جشس باس ديرەكتورى: “بىلتىر تاعى بٸر پەشٸمٸزدٸ ٶندٸرٸسكە قوستىق. بۇل ٶز كەزەگٸندە جۇمىس قارقىنىن ٷش ەسەگە ارتتىرىپ وتىر. جوبانىڭ جالپى قۇنى 5 ملرد تەڭگەنٸ قۇرايدى. «جول كارتاسى» باعدارلاماسى ارقىلى «دامۋ» قورى قارجىلاندىرعان بولاتىن, ال ەكٸنشٸ كەزەكتە «قازاقستاننىڭ دامۋ بانكٸ» كٶمەك قولىن سوزدى. بٷگٸندە ٶندٸرٸسٸمٸز قارقىندى دامۋ ٷستٸندە.”
كٷنگەيلٸك ٸسكەرلەردٸڭ كەسٸبٸ باتىستاعى اعايىننىڭ كٶڭٸلٸنەن شىقتى. قوناقتار وڭتٷستٸكتەگٸ تىندىرىمدى تٸرلٸكتەن الار ٷلگٸمٸز جەتەرلٸك دەيدٸ.
ەرجان التاەۆ, “ورال ەكك” ۇك باسقارما تٶراعاسى: “وڭتٷستٸك قازاقستان مەن باتىس قازاقستان وبلىستارى – قارقىندى دامىپ كەلە جاتقان وبلىستار. ەلباسىنىڭ تاپسىرماسى بويىنشا ٶڭٸرارالىق كووپەراتسييانى دامىتۋ باستاماسى كٶتەرٸلگەنٸ بەلگٸلٸ. وسىعان وراي ەكٸ وبلىس اراسىندا مەموراندۋمعا قول قويىلدى. دەلەگاتسييا قۇرامىندا ٸرٸ ينۆەستورلار, ٸرٸ كەسٸپورىن يەلەرٸ بار. «شىمكەنتتسەمەنت» زاۋىتى مەن «كپو» كومپانيياسى اراسىندا كەلٸسٸمشارت تٷزٸلدٸ. ەندٸ «شىمكەنتتسەمەنت» ورال ٶڭٸرٸن تسەمەنتپەن قامتاماسىز ەتەتٸن بولادى. كٷنگەيدٸڭ يندۋسترييالدى ايماقتاردى ارالاپ جاتىرمىز. ٷلگٸ الاتىن تۇستار جەتەرلٸك.”
باتىسقازاقستاندىقتار وڭتٷستٸكتٸڭ كەسٸپكەرلەرٸن ٶزدەرٸنە شاقىرىپ, اتالعان وبلىستا زاۋىتتارىن اشۋعا ٷندەۋ تاستادى. وسى ارقىلى ەۋرازييالىق ەكونوميكالىق ايماعىنىڭ نارىعىنا شىعۋدى كٶزدەپ وتىر. بۇل ٶز كەزەگٸندە ەكٸ وبلىس ٷشٸن دە ەكونوميكالىق جاعىنان ٶتە تيٸمدٸ بولارى سٶزسٸز.
بۇدان كەيٸن ورالدىق دەلەگاتتار موتور مايىن شىعاراتىن «حيلل كورپورەيشن» جەنە «ەلەم بت» ٶندٸرٸس ورىندارىن ارالاپ, جەتٸستٸكتەردٸ سارالاپ, ٶز باعالارىن بەردٸ.
گٷلجان كٶشەروۆا, وtyrar.kz
