Foto: videodan kadr
Qazaqstannyń jabaiy tabiǵatynda sirek kezdesetin iri bulan Batys-Altai qoryǵynda fototuzaqqa túsip qaldy, dep habarlaidy Ult.kz.
Qoryq ókilderi málim etkendei, bulan (lat. Alces) – buǵylar tuqymdasyna jatatyn eń iri sútqorekti. Onyń atalyǵynyń dene uzyndyǵy 3 metrge, biiktigi 2,3 metrge deiin jetedi, al salmaǵy 360-600 kilogramm aralyǵynda.
Bulannyń syrtqy kelbeti ony basqa buǵylardan aitarlyqtai erekshelendiredi. Onyń basy úlken, órkeshti, al erni ilýli bolyp keledi. Tamaq astyndaǵy 25-40 santimetrge jetetin bylǵary ósindisi – ereksheliginiń biri. Aiaqtarynyń túsi aqshyl-sur, al denesiniń júni qońyr-qara tústi.
Atalyq bulannyń kúrek tárizdi úlken múiizderi 180 santimetrge deiin jetip, salmaǵy 20-30 kilogrammdy quraidy. Bul múiizder kúileý kezeńinen keiin túsip qalady jáne kelesi kóktemde qaitadan ósedi. Bulannyń aldyńǵy aiaqtaryndaǵy úshkir tuiaqtary ony qasqyr men aiý sekildi jyrtqyshtardan qorǵaityn myqty qarý bolyp tabylady.
"Bul tabiǵatymyzdyń erekshe ári aibyndy turǵynynyń fototuzaqqa ilinýi janýarlar áleminiń san alýan túrlerin saqtaýǵa degen qyzyǵýshylyqty arttyra tústi. Qazaqstanda bulan sany az, sondyqtan olardyń tabiǵatta beinelenýi ekologiialyq tepe-teńdikti saqtaýdyń mańyzdy ekendigin taǵy bir ret dáleldei túsedi. Mundai kadrlar elimizdiń tabiǵi bailyqtarynyń túrliligin pash etip, qorshaǵan ortany qorǵaýǵa degen jaýapkershilikti kúsheitýge shaqyrady", - delingen qoryqtyń resmi paraqshasynda.
