«Batyl toitarys-2022» keshendi vedomstvoaralyq strategiialyq oqý-jattyǵý sheńberinde Ońtústik óńirlik qolbasshylyǵy bólimderi áskeri qyzmetshileri shekarashylarmen birlesip memlekettik shekarany kúzetý mindetterin oryndady, – dep habarlaidy «Ult aqparat».
Atalǵan oqý-jattyǵýdyń bastalǵany jaily dabyl alǵan Ońtústik óńirdiń memlekettik shekara áskerlerine jaqyn ornalasqan birqatar áskeri bólimsheler jedel túrde shekaraǵa jetip, Ulttyq qaýipsizdik komiteti Jambyl oblysy boiynsha Shekara qyzmeti qolbasshylyǵyn ýaqytsha baǵynysyna kelip túskeni týraly Qorǵanys ministriliginiń arnaiy arnasynda habarlandy.
«Qazirgi tańda bizder memlekettik shekara Qorǵanys ministrliginiń birinshi atqyshtar rotasymen birlese otyryp, memlekettik shekarany kúzetý suraqtaryn atqaryp jatyrmyz. Onyń bári strategiialyq oqý-jattyǵý Batyl toitarys-2022 jylǵy ótkizilip jatqan jattyǵýdyń aiasynda júrgizilýde.
Ońtústik óńirlik atqyshtar bóliminde bólimshilerdiń áskeri qyzmetshileri Qazaqstannyń memlekettik shekarasy qyzmet kórsete otyryp, naǵyz shekarashy bolyp kórdi», – deidi podpolkovnik Baqytjan Aisaǵaliev.
Shekara qyzmetiniń áskeri qyzmetshileri Qarýly kúshterdegi áriptesterimen shekaradaǵy qyzmet etý tájiribesin jáne jinaqtaǵan bilimin bólisti. Olarǵa nariad pen tosqaýyl beketterinde kúndizgi jáne túngi qyzmetterdiń erekshelikteri jaily aityp berdi.
«Maǵan munda óte qyzyqty jáne de yńǵaily. Meniń ózimniń ótkizgen sabaqtarymnan jáne de basqa da maǵulmattar, málimetter jinadym. Ekeýin de salystyrsaq, myna jaqta da qiyn eken sabaqtary, kúndizgi patrýl, túngi patrýl. Árine, ózimdiki jaqsyraq», – deidi áskeri boryshyn óteýshi Bekasyl Telemesov.
Sondai-aq shekaradaǵy qyzmetti atqarýda jasyryn shekara nariadtaryn qoiý kezinde qaýipsizdik sharalaryn uiymdastyrý men saqtaý máselesi pysyqtaldy. Bólimshe komandirleri arasynda ózara is-qimylmen bailanysty uiymdastyrý máselesi de sheshildi.
«Osy jattyǵýdyń sheńberinde Qorǵanys ministrligi bólimsheleri men memlekettik shekarany birlese kúzetý suraqtary jáne memlekettik shekarada óz-ózin ustaý jáne qaýipsizdik sharalaryn saqtaý suraqtary júzege asyryldy.
Motoatqyshtar batalonynda boryshyn ótep júrgen sarbazdardyń shekaradaǵy jattyǵýlarǵa qatysýy áskeri qyzmettiń basqa qyry týraly bilip qana qoimai, tájiribe jinaqtaýyna múmkindik berdi. Jigitterdiń ózderi de atqaratyn qyzmetterdiń san túrli bolǵanyn maqtan etetinin jasyrmady. Qansha degenmen olar shekara aimaǵynda bolyp, ondaǵy is-qimylǵa qatysty», – deidi podpolkovnik Baqytjan Aisaǵaliev.
Al shekara qyzmetinde kinolog bolyp júrgen qatardaǵy jaýynger Aidar Aldaher birlesken sharalar sarbazdardyń kásibi deńgeiin arttyryp, oi-órisin keńeitetinin jetkizdi.
«Qyzmet barysynda bir-birimizden alǵan tájiribeler men bilimder óte kóp. Biz qyzmet barysy memlekettik shekara buzý belgileri baiqalǵan joq. Memlekettik shekara buzýshylar anyqtalǵan joq. Biz óz Otanymyzdyń, óz halqymyzdyń, Qazaqstan Respýblikasynyń berik qalqanymyz», – deidi jaýynger Aidar Aldaher.
«Batyl toitarys» oqý-jattyǵý sheńberinde oryndalatyn sharalar Memlekettik basshysynyń Kúshtik qurylymdardy tiimdi úilestirýdi qamtamasyz etý, olardyń jedel jáne tehnikalyq úilesimdiligin jolǵa qoiý sondai-aq vedomstvoaralyq úilestirýdi kúsheitý jónindegi tapsyrmalardy tolyq deńgeide oryndaýǵa yqpal eteri anyq.
Esterińizge sala keteiik, «Batyl toitarys-2022» keshendi vedomstvoaralyq strategiialyq oqý-jattyǵý sheńberinde Ońtústik óńirlik qolbasshylyǵy bólimderi áskeri qyzmetshileri shekarashylarmen birlesim memlekettik shekarany kúzetý mindetterin oryndady. Atalǵan oqý-jattyǵýdyń bastalǵany jaily dabyl alǵan Ońtústik óńirdiń memlekettik shekara áskerlerine jaqyn ornalasqan birqatar áskeri bólimsheler jedel túrde shekaraǵa jetip, Ulttyq qaýipsizdik komiteti Jambyl oblysy boiynsha Shekara qyzmeti qolbasshylyǵyn ýaqytsha baǵynysyna kelip túsken.
