Almaty oblysynda aýdan ákimi kúzetshi bolýy múmkin. Búgin Amandyq Batalov Aqsý aýdanynyń ákimine osyndai eskertý jasady, dep habarlaidy QazAqparat.
Sebebi, «Aqsý qant zaýytyn» urylar tonap jatyr. Al atalǵan nysanda kúzetshi qoiylmaǵanǵa uqsaidy.
«Maǵan zaýyttyń zattaryn urlap jatyr dedi. Nege kúzet qoimaisyń? Sol jerde júrip nege baqylamaisyń?! Eger osyndai jaǵdai qaitalanatyn bolsa, óziń sol jerde kúzetshi bolasyń», - dedi Amandyq Batalov.
Óńir basshysynyń qatań synyna ushyraǵan Ádilbek Dalbaǵaev atalǵan zaýytta kúzetshi bar ekenin aityp aqtaldy.
Bul Aqsý aýdanynyń ákimine aitylyp otyrǵan alǵashqy syn emes. Óńir basshysynyń eskertýine jii ushyraityn ákimderdiń arasynda Ádilbek Dalbaǵaev kósh bastap tur.
Aita ketý kerek, birneshe jyl boiy toqtap turǵan «Aqsý» qant zaýytyn iske qosý jumystary júrgizilip jatyr. Atalǵan nysan biyl alǵashqy ónimin qabyldaýdy josparlap otyr.
