الماتى وبلىسىندا اۋدان ەكٸمٸ كٷزەتشٸ بولۋى مٷمكٸن. بٷگٸن اماندىق باتالوۆ اقسۋ اۋدانىنىڭ ەكٸمٸنە وسىنداي ەسكەرتۋ جاسادى, دەپ حابارلايدى قازاقپارات.
سەبەبٸ, «اقسۋ قانت زاۋىتىن» ۇرىلار توناپ جاتىر. ال اتالعان نىساندا كٷزەتشٸ قويىلماعانعا ۇقسايدى.
«ماعان زاۋىتتىڭ زاتتارىن ۇرلاپ جاتىر دەدٸ. نەگە كٷزەت قويمايسىڭ? سول جەردە جٷرٸپ نەگە باقىلامايسىڭ?! ەگەر وسىنداي جاعداي قايتالاناتىن بولسا, ٶزٸڭ سول جەردە كٷزەتشٸ بولاسىڭ», - دەدٸ اماندىق باتالوۆ.
ٶڭٸر باسشىسىنىڭ قاتاڭ سىنىنا ۇشىراعان ەدٸلبەك دالباعاەۆ اتالعان زاۋىتتا كٷزەتشٸ بار ەكەنٸن ايتىپ اقتالدى.
بۇل اقسۋ اۋدانىنىڭ ەكٸمٸنە ايتىلىپ وتىرعان العاشقى سىن ەمەس. ٶڭٸر باسشىسىنىڭ ەسكەرتۋٸنە جيٸ ۇشىرايتىن ەكٸمدەردٸڭ اراسىندا ەدٸلبەك دالباعاەۆ كٶش باستاپ تۇر.
ايتا كەتۋ كەرەك, بٸرنەشە جىل بويى توقتاپ تۇرعان «اقسۋ» قانت زاۋىتىن ٸسكە قوسۋ جۇمىستارى جٷرگٸزٸلٸپ جاتىر. اتالعان نىسان بيىل العاشقى ٶنٸمٸن قابىلداۋدى جوسپارلاپ وتىر.
