Qazaqstandyq kásipker, Chocofamily Holding basshysy Ramil Mýhoriapov Qazaqstan halqynan keshirim surady. Áleýmettik jelilerde onyń qazaq jáne orys tilderinde keshirim suraǵan videosy jariialandy, - dep habarlaidy "Ult aqparat".
"Sálem, dostar, siz keshegi videonyń bir bóligin kórdińiz. Eń aldymen, barlyǵynan keshirim suraǵym keledi. Eshkimdi renjiteiin degen nietim bolǵan joq. Durys aitasyz, qazir sizderdi óte muqiiat tyńdaý kerek. Ne aitqym kelip tur? Birinshiden, bárinen keshirim suraǵym keledi. Videony qaita qaradym. Shynynda da, dóreki aitylǵan. Men - Qazaqstan azamatymyn. Almatyda týyp, osynda óstim. Munda kompaniia quryp jatyrmyz, qyzmetkerlerdiń 99 paiyzy - qazaqstandyqtar, munda salyq tóleimiz. Qazaq tilin damytýdyń mańyzyn jaqsy túsinemin. Kompaniiada tildi qoldaýǵa arnalǵan jobalar bar. Qazir jartysy qazaq tilinde, qalǵany aýdarylyp jatyr. Jaqyn arada muny aiaqtaimyz. Ózime qatysty keler bolsaq, tildi azdap túsinemin, biraq jaqsy sóilei almaimyn. Sóileýge, úirenýge tyrysamyn. Dostar, taǵy bir ret keshirim suraimyn", - dedi kásipker.
