قازاقستاندىق كەسٸپكەر, Chocofamily Holding باسشىسى راميل مۋحورياپوۆ قازاقستان حالقىنان كەشٸرٸم سۇرادى. ەلەۋمەتتٸك جەلٸلەردە ونىڭ قازاق جەنە ورىس تٸلدەرٸندە كەشٸرٸم سۇراعان ۆيدەوسى جارييالاندى, - دەپ حابارلايدى "ۇلت اقپارات".
"سەلەم, دوستار, سٸز كەشەگٸ ۆيدەونىڭ بٸر بٶلٸگٸن كٶردٸڭٸز. ەڭ الدىمەن, بارلىعىنان كەشٸرٸم سۇراعىم كەلەدٸ. ەشكٸمدٸ رەنجٸتەيٸن دەگەن نيەتٸم بولعان جوق. دۇرىس ايتاسىز, قازٸر سٸزدەردٸ ٶتە مۇقييات تىڭداۋ كەرەك. نە ايتقىم كەلٸپ تۇر? بٸرٸنشٸدەن, بەرٸنەن كەشٸرٸم سۇراعىم كەلەدٸ. ۆيدەونى قايتا قارادىم. شىنىندا دا, دٶرەكٸ ايتىلعان. مەن - قازاقستان ازاماتىمىن. الماتىدا تۋىپ, وسىندا ٶستٸم. مۇندا كومپانييا قۇرىپ جاتىرمىز, قىزمەتكەرلەردٸڭ 99 پايىزى - قازاقستاندىقتار, مۇندا سالىق تٶلەيمٸز. قازاق تٸلٸن دامىتۋدىڭ ماڭىزىن جاقسى تٷسٸنەمٸن. كومپانييادا تٸلدٸ قولداۋعا ارنالعان جوبالار بار. قازٸر جارتىسى قازاق تٸلٸندە, قالعانى اۋدارىلىپ جاتىر. جاقىن ارادا مۇنى اياقتايمىز. ٶزٸمە قاتىستى كەلەر بولساق, تٸلدٸ ازداپ تٷسٸنەمٸن, بٸراق جاقسى سٶيلەي المايمىن. سٶيلەۋگە, ٷيرەنۋگە تىرىسامىن. دوستار, تاعى بٸر رەت كەشٸرٸم سۇرايمىن", - دەدٸ كەسٸپكەر.
