Qazaqstandyq saiasattanýshy Qazybek Maigeldinov elde bolǵan jappai tártipsizdikterge qatysty óz pikirin bildirdi, dep habarlaidy QazAqparat.
«Derekti filmde shynaiylyq kórsetilgen. Rasynda da, bulai bolaryn eshkim kútken joq. Videodan qarasańyz qarapaiym adamdar ne isterin bilmei, sasqalaqtap júr. Kóp adamdar qalai áreket etý kerektigin bilmei qaldy. Sondyqtan da qańtar oqiǵasy elimiz úshin ómirlik sabaq dep oilaimyn. Bir jaǵynan bilikke de sabaq boldy. Sebebi basy beibit minitingten bastaldy ǵoi. Demek halyq únine ýaqtyly qulaq asý kerek degen sóz. Árine, qańtar oqiǵasyn beibit miting deýge bolmaidy. Beibit sherý ol zań aiasynda, eshqandai teketiressiz ótýi kerek», - dedi Qazybek Maigeldinov.
Saiasattanýshynyń sózinshe, elde bolǵan jappai tártipsizdikter kezinde arandatýshylyq basym boldy.
«Olardyń ishinde buzaqy da bar, lańkes te bar, arandatýshy da boldy. Iaǵni el ishine iritki salýshy top. Endigi ýaqytta bul oqiǵa qaitalanbaýy tiis jáne ondai jaǵdaiǵa deiin jetkizbeýimiz kerek. Memleket basshysy aitqandai, bizdiń basty quralymyz ol – birlik. Elde birlik bar jerde, memleket tutas bolady. Jáne derekti filmde baiqasańyz, bassyzdyq tanytýshylardyń kóshbasshysy nemese naqty bir talap-tilekteri bolmady. Bas joq, kóz joq qiratyp jatyr. Bir sózben aitqanda memleketke shabýyl jasaldy. Sondyqtan búgin «Habar» agenttigi usynyp otyrǵan derekti filmdi qalyń jurttyń kórgeni jón. Halyq oqiǵanyń neden bastalǵanyn jáne qalai bolǵanyn bilýi kerek», - deidi ol.
