Ótken jyldyń qańtar-jeltoqsanynda elimizde turǵyn úidi satý-satyp alý boiynsha 370 884 mámile jasaldy. Bul, 2019 jyldyń tiisti kezeńimen salystyrǵanda 3,8 paiyzǵa az, dep habarlaidy "Ult aqparat".
Strategiialyq josparlaý jáne reformalar agenttigi Ulttyq statistika biýrosynyń málimetine sáikes, byltyrǵy jeltoqsan aiynda baspanany satý-satyp alýǵa qatysty 32 027 mámile jasalǵan. Bul, onyń aldyńǵy aimen salystyrǵanda 6,9 paiyzǵa kóp.
2020 jyly baspanany alyp-satýmen bailanysty eń az kelisim Shyǵys Qazaqstan oblysynda jasalǵan. 2019 jylmen salystyrǵanda kórsetkish 16,6 paiyzǵa azaiǵan. Odan keiingi oryndarda - Pavlodar (-10,9 paiyz), Soltústik Qazaqstan (-10,5), Aqtóbe (-10,3), Jambyl (-10,0) oblystary tur.
2020 jyly úidi satý-satyp alýǵa qatysty eń kóp mámile Shymkent qalasynda jasalǵan. 2019 jylmen salystyrǵanda 10,9 paiyzǵa kóp. Odan keiingi oryndarda – Qyzylorda (+7,3 paiyz), Túrkistan (+7,2 paiyz), Atyraý (+7,0 paiyz), Mańǵystaý (+6,3 paiyz) ornalasqan.
Almaty qalasynda – 2,9 paiyzǵa, Nur-Sultan qalasynda 9,1 paiyzǵa úiler az satylǵan jáne satyp alynǵan.
