Ishki ister ministri Erlan Turǵymbaev tártip saqshylarynyń eńbekaqysy kelesi jyldan bastap ósetinin málim etti, dep habarlaidy "Ult aqparat".
«Memleket basshysy politsiia qyzmetkerleriniń jalaqysyn kóbeitý týraly tapsyrma berdi. Kelesi jyldan bastap jalaqy kóteriledi. Sonymen qatar úidi jalǵa alý úshin ótemaqy beriletin politsiia qyzmetkerleriniń sany ósedi. Óitkeni politsiia qyzmetkerleri óz isine adal, jumysynda turaqty, qarapaiym azamattarǵa kómek berýi úshin materialdyq jaǵdaiy durys bolýy tiis. Sol kezde olardyń naqty jumystaryn talap etip, servistik modelge ótý josparyn júzege asyra alamyz», - dedi Erlan Turǵymbaev Memleket basshysynyń Qazaqstan halqyna joldaýynda aitylǵan tapsyrmalaryn iske asyrý barysy týraly ótken baspasóz máslihatynda.
