Foto: primeminister.kz
Búkil mekteptegi qaýipsizdik sharalaryn baqylaýdy kúsheitý kerek. Bul jaiynda apparat jinalysynda Oqý-aǵartý ministri Ǵani Beisembaev aitty, dep habarlaidy QazAqparat.
«Kúni keshe Astana qalasynda №14 mektepte oqýshymen bolǵan oqiǵa bárimizdi alańdatty. Budan jekelegen aimaqtardaǵy bilim basqarmalarynyń bul máseleni jiti baqylaýda ustamai otyrǵanyn baiqaýǵa bolady. Sizderge únemi aitylatyn dúnie: «Mektepte balalarǵa sapaly bilim, sanaly tárbie berýmen qatar, oqýshylardyń qaýipsizdigin basty orynǵa qoiý mańyzdy. Sondyqtan búkil mekteptegi qaýipsizdikti baqylaýdy kúsheitý kerek», - dedi ministr.
Sonymen birge ol óńirlerdegi bilim basqarmalarynyń jaýapty qyzmetkerlerine mektepke baryp, qaýipsizdik sharalaryn oryndaý barysyn tekserýdi tapsyrdy.
