Ońtústik Qazaqstan oblystyq sáýlet jáne qala qurylysy basqarmasynyń basshysy Erkin Júsipov (sol jaqta), "QazAvtoJol" ulttyq kompaniiasy" aktsionerlik qoǵamynyń bas injeneri Nurbol Myńjasarov (oń jaqta) brifingte otyr. Shymkent, 11 mamyr 2017 jyl.
Ońtústik Qazaqstan oblysyndaǵy Batys Qytai – Batys Eýropa magistraliniń boiyndaǵy 18 eldi mekende 500-den asa jeke turǵyn úidiń qasbeti talapqa sai emes. Bul týraly búgin Shymkenttegi oblys ákimdiginde ótken brifingte oblystyq sáýlet jáne qala qurylysy basqarmasynyń basshysy Erkin Júsipov habarlady.
Júsipovtyń aitýynsha, Batys Qytai – Batys Eýropa halyqaralyq kólik dáliziniń oblys arqyly ótetin bóliginiń uzyndyǵy 194 kilometr. Qurylys jumystaryn 2017 jyldyń sońynda aiaqtaý josparlanǵan.
- Kólik dáliziniń boiynda 18 eldi mekendegi 500-den asa jeke turǵyn úi jáne 41 janarmai quiý beketi talapqa sai emes. Qazir túsindirý jumystary júrgizilip jatyr. Bular - jekemenshik úiler. Eshqaisysy boialmaǵan. Turǵyndardyń boiaýǵa shamasy kelmeidi emes, bul - erinshektik, - deidi sheneýnik.
"QazAvtoJol" ulttyq kompaniiasy" aktsionerlik qoǵamynyń bas injeneri Nurbol Myńjasarovtyń aitýynsha, kólik dálizindegi eski qyzmet kórsetý obektileriniń bári buzylǵan. Qazir halyqaralyq standartqa sai 18 nysannyń 15-i jumysyn bastaǵan. Onyń sózinshe, qazirgi nysandar eýro talaptarǵa sai.
Nurbol Myńjasarov kólik magistralindegi qurylys jumystary biyl aiaqtalatynyn, 2019 jyly bul jolmen júrý aqyly bolatynyn aitady.
Dilara Isa, "Azattyq"
