وڭتٷستٸك قازاقستان وبلىستىق سەۋلەت جەنە قالا قۇرىلىسى باسقارماسىنىڭ باسشىسى ەركٸن جٷسٸپوۆ (سول جاقتا), "قازاۆتوجول" ۇلتتىق كومپانيياسى" اكتسيونەرلٸك قوعامىنىڭ باس ينجەنەرٸ نۇربول مىڭجاساروۆ (وڭ جاقتا) بريفينگتە وتىر. شىمكەنت, 11 مامىر 2017 جىل.
وڭتٷستٸك قازاقستان وبلىسىنداعى باتىس قىتاي – باتىس ەۋروپا ماگيسترالٸنٸڭ بويىنداعى 18 ەلدٸ مەكەندە 500-دەن اسا جەكە تۇرعىن ٷيدٸڭ قاسبەتٸ تالاپقا ساي ەمەس. بۇل تۋرالى بٷگٸن شىمكەنتتەگٸ وبلىس ەكٸمدٸگٸندە ٶتكەن بريفينگتە وبلىستىق سەۋلەت جەنە قالا قۇرىلىسى باسقارماسىنىڭ باسشىسى ەركٸن جٷسٸپوۆ حابارلادى.
جٷسٸپوۆتىڭ ايتۋىنشا, باتىس قىتاي – باتىس ەۋروپا حالىقارالىق كٶلٸك دەلٸزٸنٸڭ وبلىس ارقىلى ٶتەتٸن بٶلٸگٸنٸڭ ۇزىندىعى 194 كيلومەتر. قۇرىلىس جۇمىستارىن 2017 جىلدىڭ سوڭىندا اياقتاۋ جوسپارلانعان.
- كٶلٸك دەلٸزٸنٸڭ بويىندا 18 ەلدٸ مەكەندەگٸ 500-دەن اسا جەكە تۇرعىن ٷي جەنە 41 جانارماي قۇيۋ بەكەتٸ تالاپقا ساي ەمەس. قازٸر تٷسٸندٸرۋ جۇمىستارى جٷرگٸزٸلٸپ جاتىر. بۇلار - جەكەمەنشٸك ٷيلەر. ەشقايسىسى بويالماعان. تۇرعىنداردىڭ بوياۋعا شاماسى كەلمەيدٸ ەمەس, بۇل - ەرٸنشەكتٸك, - دەيدٸ شەنەۋنٸك.
"قازاۆتوجول" ۇلتتىق كومپانيياسى" اكتسيونەرلٸك قوعامىنىڭ باس ينجەنەرٸ نۇربول مىڭجاساروۆتىڭ ايتۋىنشا, كٶلٸك دەلٸزٸندەگٸ ەسكٸ قىزمەت كٶرسەتۋ وبەكتٸلەرٸنٸڭ بەرٸ بۇزىلعان. قازٸر حالىقارالىق ستاندارتقا ساي 18 نىساننىڭ 15-ٸ جۇمىسىن باستاعان. ونىڭ سٶزٸنشە, قازٸرگٸ نىساندار ەۋرو تالاپتارعا ساي.
نۇربول مىڭجاساروۆ كٶلٸك ماگيسترالٸندەگٸ قۇرىلىس جۇمىستارى بيىل اياقتالاتىنىن, 2019 جىلى بۇل جولمەن جٷرۋ اقىلى بولاتىنىن ايتادى.
ديلارا يسا, "ازاتتىق"
