QR Memlekettik qyzmet isteri jáne sybailas jemqorlyqqa qarsy is-qimyl agenttigi Jambyl oblysynda jer úshin para alǵan sheneýnikti ustady, dep xabarlaidy "Ult aqparat".
Agenttiktiń resmi ókili Nurlan Jaxinniń aitýynsha, kúdikti - jerdiń paidalanýy men qorǵalýyn baqylaý boiynsha oblystyq basqarmanyń basshysy.
«Ol sharýa qojalyǵyna tiesili 25 gektar jerdi memleket paidasyna qaitarmaǵany úshin 50 myń dollar talap etken. Sonyń 2 mln teńge kólemindegi parasyn aldy degen kúdik bar. Qazirgi ýaqytta atalǵan fakti boiynsha tergeý júrgizilip jatyr», - dedi N.Jaxin Astanada ótken baspasóz máslixatynda.
Agenttiktiń aqparatyna sáikes, týra sondai qylmys Aqmola oblysynda anyqtaldy. Biraq basqarma basshysy óz qylmysyn iske asyryp úlgerdi. Eki jyl buryn ol qyzmettik laýazymyn asyra paidalanyp, tórt jer telimin memleketke qaitarmai, jeke paidalanýǵa bergen. Sonyń saldarynan biýdjetke 2 mln teńge kóleminde shyǵyn keldi.
