Foto: elements.envato.com
Premer-ministrdiń orynbasary - saýda jáne integratsiia ministri Baqyt Sultanov Qazaqstan basqa elderden qosymsha qant surap jatqanyn aitty, - dep habarlaidy Tengrinews.kz.
"Qazir 350 myń tonna bar. Biz basqa elderden qant surap jatyrmyz. Álemde Braziliia, Úndistan jáne Vetnam iri jetkizýshilerdiń biri bolyp sanalady. Biraq Úndistan shekteý qoidy, sondyqtan kelissózder júrgizemiz. Búginde qabyldanǵan 350 myń tonnadan bólek taǵy 100 myń tonna suradyq", - dedi Saýda ministrliginiń basshysy Úkimet kýlýarynda.
Sultanov qazirgi ýaqytta Aýyl sharýashylyǵy ministrligi kelissózder, esepteýler, indikativtik balanstardy ushtastyrý jumystaryn júrgizip jatqanyn aitty, sondai-aq 15 shildede Belarýste EEK keńesiniń kelesi otyrysy ótetinin, onda qant jetkizý máselesi qosymsha talqylanatynyn eske saldy.
27 mamyrda Aýyl sharýashylyǵy ministrligi Qazaqstanda qant tapshylyǵy joq dep málimdegen bolatyn.
Alaida Oralda dúken sórelerinde qant joq degen aqparat habarlandy. Al bar jerlerde kelisine 600 teńgege deiin qymbattap ketti. Satýshylardyń sózinshe, jetkizýshiler kún saiyn ákelýge ýáde beredi, múmkin qumsheker baǵasy da ósedi.
Keiin ministr Sultanov "qant tapshylyǵy Resei Federatsiiasynyń qant eksportyna tyiym salýyna bailanysty" dedi.
