Bashqurtstanda qarttar úii órtenip, 11 adam qaza tapty, dep habarlaidy Bashinform agenttigi.
Bashqurtstannyń Abzelilov aýdanynda alapat órt boldy. Ishbýldino aýylynyń Qyzyl kóshesinde mansardasy bar bir qabatty ǵimarat janyp ketken. Ǵimaratta qarttar úii ornalasqan.
Órt sóndirýshiler jalyndy eki saǵat ishinde sóndirdi. Tórt adam syrtqa ózi shyǵyp úlgergen. Jalynda sóndirgennen keiin ǵimarattan 11 adamnyń denesi tabyldy. Olar qarttar men múgedekter bolýy múmkin.
«Qaza bolǵandar týraly aqparat naqtylanýda. Órt ornyna Bashqurstan Respýblikasy boiynsha Resei TJM Bas basqarmasynyń bastyǵy Marat Latypov bardy. Órtti sóndirýge 16 adam men 6 tehnika jumyldyryldy», - dep habarlady respýblikanyń TJM baspasóz qyzmeti.
Tergeýshiler jumysqa kirisip ketti. Qaza tapqandar men zardap shekkenderdiń týystaryna psihologiialyq kómek kórsetilip jatyr.
Ashyq aqparat kózderinen belgili bolǵandai, qarttar úii 2019 jyldyń 27 naýryzynda tirkelgen.
«Saǵat 2:54-te kezekshi pýltine 1960 jyldary salynǵan, ishinde 16 adam turǵan ǵimaratta órt shyqqany týraly qońyraý tústi. Saǵat 3:17-de oqiǵa ornyna Halilov BK erikti órt sóndirý toby keldi. Bes adam órtten alyp shyǵaryldy. Dabyl júiesi qosylǵanymen, 11 adamdy qutqarý múmkin bolmady. Men oqiǵa ornyndamyn. Aýdanda TJ rejimi engizildi», — dep málimdedi Abzelilov aýdany basshysy Ildar Nafikov.
