Foto: Akorda.kz
Memleket basshysy Básekelestikti qorǵaý jáne damytý agenttiginiń tóraǵasy Marat Omarovty qabyldady, dep habarlaidy "Ult aqparat" Aqordanyń resmi saityna silteme jasap.
Prezidentke biylǵy birinshi jartyjyldyqtaǵy básekelestik jaǵdaiy jáne negizgi taýar naryqtaryndaǵy básekelestikke kedergi keltiretin tosqaýyldar jóninde esep berildi.
Memleket basshysyna monopoliiaǵa qarsy tergeý amaldarynyń aralyq nátijeleri, ekonomikany monopoliiadan aryltý jáne básekelestikti damytý úshin qabyldanǵan sharalar, sondai-aq monopoliiaǵa qarsy organnyń rólin kúsheitý máselesi týraly baiandaldy. Jyl basynan beri monopoliiaǵa qarsy zańnamany buzý derekteri boiynsha 48 isti tergeý aiaqtaldy. Sondai-aq 33 is tergelip jatyr. Bul rette josyqsyz naryq sýbektilerine 3,5 milliard teńgeden astam aiyppul sanktsiiasy salyndy. Sottyń qaraýynda 40-tan astam monopoliiaǵa qarsy is bar.
Kezdesý sońynda Qasym-Jomart Toqaev el ekonomikasynyń negizgi salalaryn monopoliiadan aryltý jónindegi keshendi sharalardy júzege asyrý isin jalǵastyrýdy jáne básekelestikti damytý boiynsha qosymsha usynystar daiyndaýdy tapsyrdy.
