QR Densaýlyq saqtaý vitse-ministri, bas memlekettik sanitarlyq dáriger Erlan Qiiasov koronavirýsqa qarsy jappai vaktsinalaý naýqany týraly aitty, dep habarlaidy "Ult aqparat".
«Vaktsinalaý naýqany bastaldy, qazirgi kezde tiisti toptarǵa ekpe jasalyp jatyr. Sáýir aiyna qarai ekpe óndirý kólemi artady dep josparlanǵan. Naýryz aiynda vaktsina óndirý aiyna 160 myń dozaǵa deiin jetkiziledi, al sáýirde 600 myń dozaǵa deiin bolady. Tiisti toptar ekpemen qamtylǵannan keiin, sáýir aiynyń sońyna qarai ekpe saldyrýǵa niet bildirgender naryqtaǵy qoljetimdi vaktsinany qoidyrady», - dedi Qiiasov Ortalyq kommýnikatsiialar qyzmetinde.
Sonymen qatar ol naýryz aiynda pedagogtardy jáne kúsh qurylymdardyń qyzmetkerlerine ekpe saldyrý bastalatynyn aitty.
«Sáýirde birtindep vaktsina saldyrýǵa daiyn halyqtyń basqa da bólikterine aýysamyz», - dedi vitse-ministr.
Budan buryn habarlanǵandai, 23 aqpannan Qaraǵandy farmatsevtikalyq kesheniniń bazasynda óndirilgen 93 myń doza mólsherindegi vaktsinanyń ekinshi partiiasyn jetkizý bastaldy. Osy vaktsinamen meditsina qyzmetkerlerine ekpe jasaý aiaqtalǵan soń, pedagogtardy vaktsinatsiialaýdy bastaý josparlanyp otyr.
