قر دەنساۋلىق ساقتاۋ ۆيتسە-مينيسترٸ, باس مەملەكەتتٸك سانيتارلىق دەرٸگەر ەرلان قيياسوۆ كوروناۆيرۋسقا قارسى جاپپاي ۆاكتسينالاۋ ناۋقانى تۋرالى ايتتى, دەپ حابارلايدى "ۇلت اقپارات".
«ۆاكتسينالاۋ ناۋقانى باستالدى, قازٸرگٸ كەزدە تيٸستٸ توپتارعا ەكپە جاسالىپ جاتىر. سەۋٸر ايىنا قاراي ەكپە ٶندٸرۋ كٶلەمٸ ارتادى دەپ جوسپارلانعان. ناۋرىز ايىندا ۆاكتسينا ٶندٸرۋ ايىنا 160 مىڭ دوزاعا دەيٸن جەتكٸزٸلەدٸ, ال سەۋٸردە 600 مىڭ دوزاعا دەيٸن بولادى. تيٸستٸ توپتار ەكپەمەن قامتىلعاننان كەيٸن, سەۋٸر ايىنىڭ سوڭىنا قاراي ەكپە سالدىرۋعا نيەت بٸلدٸرگەندەر نارىقتاعى قولجەتٸمدٸ ۆاكتسينانى قويدىرادى», - دەدٸ قيياسوۆ ورتالىق كوممۋنيكاتسييالار قىزمەتٸندە.
سونىمەن قاتار ول ناۋرىز ايىندا پەداگوگتاردى جەنە كٷش قۇرىلىمداردىڭ قىزمەتكەرلەرٸنە ەكپە سالدىرۋ باستالاتىنىن ايتتى.
«سەۋٸردە بٸرتٸندەپ ۆاكتسينا سالدىرۋعا دايىن حالىقتىڭ باسقا دا بٶلٸكتەرٸنە اۋىسامىز», - دەدٸ ۆيتسە-مينيستر.
بۇدان بۇرىن حابارلانعانداي, 23 اقپاننان قاراعاندى فارماتسەۆتيكالىق كەشەنٸنٸڭ بازاسىندا ٶندٸرٸلگەن 93 مىڭ دوزا مٶلشەرٸندەگٸ ۆاكتسينانىڭ ەكٸنشٸ پارتيياسىن جەتكٸزۋ باستالدى. وسى ۆاكتسينامەن مەديتسينا قىزمەتكەرلەرٸنە ەكپە جاساۋ اياقتالعان سوڭ, پەداگوگتاردى ۆاكتسيناتسييالاۋدى باستاۋ جوسپارلانىپ وتىر.
