QR Bas sanitar dárigerdiń mindetin atqarýshynyń «Bilim berý uiymdarynda shekteý is-sharalaryn alyp tastaý týraly» qaýlysy shyqty, dep habarlaidy QazAqparat.
«Oblystardyń, Almaty, Nur-Sultan, Shymkent qalalarynyń ákimderi, Qazaqstan Respýblikasynyń Bilim jáne ǵylym ministrligi:
1) 2022 jylǵy 14 aqpannan bastap barlyq menshik nysanyndaǵy jáne vodomstvolyq tiisti bilim berý uiymdarynda shtattyq formatta oqytýdy qamtamasyz etsin», - dep jazylǵan qaýly mátininde.
Degenmen, oqtyýdyń formaty ózgergenimen, bilim uiymdarynyń ózinde sanitarlyq-epidemiologiialyq talaptardyń tolyq saqtalý kerektigi eskertilgen.
«Barlyq menshik nysanyndaǵy jáne vedomstvolyq tiisti bilim berý uiymdarynyń basshylary bilim berý obektilerine qoiylatyn sanitariialyq-epidemiologiialyq talaptardy qatań saqtaýdy qamtamasyz etsin.
«Bilim berý uiymdarynda sanitariialyq-epidemiiaǵa qarsy is-sharalardy kúsheitý jáne QR Bas memlekettik sanitariialyq dárigeriniń 2021 jylǵy 10 qyrkúiektegi № 42, 2022 jylǵy 13 qańtardaǵy №1 qaýlylaryna ózgerister engizý týraly» QR Bas memlekettik sanitariialyq dárigeriniń 2022 jylǵy 21 qańtardaǵy №5 qaýlysynyń 1 jáne 2-tarmaqtarynyń kúshi joiyldy dep sanalsyn», - dep jazylǵan qujatta.
Qujat mátinimen myna siltemede tanysýǵa bolady.
