QR Densaýlyq saqtaý vitse-ministri – Bas memlekettik sanitar dáriger Erlan Qiiasov «Koronavirýsqa qarsy vaktsina alǵandarǵa shetelge shyǵý talaptary ózgere me? PTR anyqtamasy surala ma?» degen suraqtarǵa jaýap berdi, dep habarlaidy QazAqparat.
«Biz Qazaqstanda elden ushý úshin PTR anyqtamasyn suramaimyz. Bul sizdiń qai elge ushyp bara jatqanyńyzǵa bailanysty jáne árine, biz yqpal ete almaimyz», - dep jaýap berdi Erlan Qiiasov №6 qalalyq emhanada tilshilerge bergen suhbatynda.
Onyń aitýynsha, vaktsinalaýdan keiin kóp jaǵdai ózgerýi múmkin.
«Árine, kóp jaǵdai ózgeredi, óitkeni kóptegen elder vaktsina alǵandarǵa qatysty qandai da bir erekshe rejim múmkindigin qarastyryp jatyr. Bul másele kún tártibinde tur. Ózderińizge málim, vaktsinalaýdy elektrondy qadaǵalaý uǵymyn – elektrondyq pasportty engizip jatyrmyz. Bul derekter vaktsinatsiia júrgizý jolyn monitoringileý úshin aqparattyq júiege ornalastyrylady», - dep atap ótti E. Qiiasov.
Eske sala ketsek, elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat koronavirýsqa qarsy vaktsina saldyrdy.
1 aqpanda Qazaqstanda Reseide shyǵarylǵan «Spýtnik V» vaktsinasyn paidalana otyryp, KVI-ǵa qarsy vaktsinatsiia egý bastalady.
Odan keiin 15 aqpannan bastap, vaktsinalaý protsesine Qaraǵandy farmatsevtikalyq kesheniniń bazasynda óndirilgen Gam-KOVID-Vak vaktsinasy qosylady.
