قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆ «كوروناۆيرۋسقا قارسى ۆاكتسينا العاندارعا شەتەلگە شىعۋ تالاپتارى ٶزگەرە مە? پتر انىقتاماسى سۇرالا ما?» دەگەن سۇراقتارعا جاۋاپ بەردٸ, دەپ حابارلايدى قازاقپارات.
«بٸز قازاقستاندا ەلدەن ۇشۋ ٷشٸن پتر انىقتاماسىن سۇرامايمىز. بۇل سٸزدٸڭ قاي ەلگە ۇشىپ بارا جاتقانىڭىزعا بايلانىستى جەنە ەرينە, بٸز ىقپال ەتە المايمىز», - دەپ جاۋاپ بەردٸ ەرلان قيياسوۆ №6 قالالىق ەمحانادا تٸلشٸلەرگە بەرگەن سۇحباتىندا.
ونىڭ ايتۋىنشا, ۆاكتسينالاۋدان كەيٸن كٶپ جاعداي ٶزگەرۋٸ مٷمكٸن.
«ەرينە, كٶپ جاعداي ٶزگەرەدٸ, ٶيتكەنٸ كٶپتەگەن ەلدەر ۆاكتسينا العاندارعا قاتىستى قانداي دا بٸر ەرەكشە رەجيم مٷمكٸندٸگٸن قاراستىرىپ جاتىر. بۇل مەسەلە كٷن تەرتٸبٸندە تۇر. ٶزدەرٸڭٸزگە مەلٸم, ۆاكتسينالاۋدى ەلەكتروندى قاداعالاۋ ۇعىمىن – ەلەكتروندىق پاسپورتتى ەنگٸزٸپ جاتىرمىز. بۇل دەرەكتەر ۆاكتسيناتسييا جٷرگٸزۋ جولىن مونيتورينگٸلەۋ ٷشٸن اقپاراتتىق جٷيەگە ورنالاستىرىلادى», - دەپ اتاپ ٶتتٸ ە. قيياسوۆ.
ەسكە سالا كەتسەك, ەلورداداعى №6 قالالىق ەمحانادا قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆ پەن دەنساۋلىق ساقتاۋ ۆيتسە-مينيسترٸ اجار عينييات كوروناۆيرۋسقا قارسى ۆاكتسينا سالدىردى.
1 اقپاندا قازاقستاندا رەسەيدە شىعارىلعان «سپۋتنيك V» ۆاكتسيناسىن پايدالانا وتىرىپ, كۆي-عا قارسى ۆاكتسيناتسييا ەگۋ باستالادى.
ودان كەيٸن 15 اقپاننان باستاپ, ۆاكتسينالاۋ پروتسەسٸنە قاراعاندى فارماتسەۆتيكالىق كەشەنٸنٸڭ بازاسىندا ٶندٸرٸلگەن گام-كوۆيد-ۆاك ۆاكتسيناسى قوسىلادى.
