Qazaqstannyń bas sanitar dárigeriniń qaýlysyna ózgerister men tolyqtyrýlar engizildi, dep habarlaidy Sputnik Qazaqstan.
Soǵan sáikes, Qazaqstannyń memlekettik shekarasynda avtomobil ótkizý joldarynda ótkizý pýnkteri arqyly elge COVID-19-dyń bar-joǵy týraly anyqtamasyz kelgen Qazaqstan azamattary karantindik statsionarǵa jiberiledi.
Sondai-aq, jetim balalardy asyrap alý maqsatynda balalar úiine barýǵa ruqsat etiledi. Ol úshin azamattyń koronavirýstyń bar-joǵyn anyqtaityn PTR test tapsyrǵanyna 3 táýlikten aspaýy qajet nemese vaktsinatsiia nemese revaktsinatsiiadan ótkenin rastaityn qujaty bolýy kerek. Mundai jaǵdaida vaktsinanyń tolyq kýrsyn saldyrǵanyna 6 aidan aspaǵany jón. Sońǵy 3 aida COVID-19 infektsiiasymen aýyrǵanyn rastaityn qujatyn kórsete alady.
Dál osyndai talaptar meditsinalyq-áleýmettik nysandarǵa (qarttar, múgedekter úii, balalar úii) barýǵa múmkindik beredi.
Qujatqa sáikes, bosaný protsesine seriktes retinde PTR arqyly koronavirýstyń joq ekenin kórsetetin anyqtamamen qatysýǵa bolady. Mundai jaǵdaida anyqtamanyń jaramdylyq merzimi 3 táýlikten aspaidy.
Qaýlynyń tolyq mátinin myna jerden oqýǵa bolady.
