Densaýlyq saqtaý vitse-ministri – Bas memlekettik sanitarlyq dáriger Erlan Qiiasov jáne atalmysh vedomstvonyń taǵy bir vitse-ministri Ajar Ǵiniiat «Spýtnik V» vaktsinasynyń ekinshi dozasyn saldyrdy, dep habarlaidy "Ult aqparat".
Ekpe densaýlyq saqtaý salasynyń jaýapty basshylaryna №6 qalalyq emhanada júrgizildi. Patsientter vaktsinanyń alǵashqy dozasynan keiin esh shaǵymy joqtyǵyn aitty.
Bul joly ministrlik sanitarlyq talaptardy saqtaý maqsatynda meditsinalyq mekemege jýrnalisterdi shaqyrǵan joq. Vaktsinatsiia protsesi «24 kz» telearnasynan tikelei efirden kórsetildi.
Ekinshi dozany alǵannan keiin vitse-ministrler jýrnalisterdiń suraqtaryna jaýap berdi.
"Ózimizdi jaqsy sezinemiz, eshqandai janama áseri baiqalyp otyrǵan joq", - dedi Ajar Ǵiniiat.
Ǵiniiattyń aitýynsha, búgingi tańda "Spýtnik V" vaktsinasynyń birinshi dozasyn 19 myńnan astam adam alǵan. 22 aqpannan bastap meditsinalyq mekemelerde vaktsinanyń ekinshi dozasy egiledi.
"Qazirgi tańda Qazaqstannyń 20 myńǵa jýyq azamaty birinshi dozany aldy. Olardyń arasynda ázirge COVID-19 juqtyrǵandar joq", - dedi Qiiasov.
Sondai-aq, ol koronavirýsqa qarsy vaktsinany úlken qyzy da saldyratynyn atap ótti. Aitýynsha, qazir ol kezegin kútip júr.
"Otbasy músheleriniń ishinde tek úlken qyzym ǵana vaktsina alatyndardyń tobynda, ol - joǵary oqý ornynyń stýdenti. Vaktsina saldyrýǵa jazylyp ta qoidy. Kezegi kelgende alady, árine", - dedi Qiiasov.
Eske sala ketsek, Erlan Qiiasov pen Ajar Ǵiniiat koronavirýsqa qarsy vaktsinanyń alǵashqy dozasyn 1 aqpanda saldyrǵan bolatyn. Vitse-ministrlerge reseilik «Sputnik V» vaktsinasy egildi. Egýden buryn olar tekserýden ótip, vaktsina saldyrýǵa qarsy kórsetilimi joq ekeni anyqtalǵan. Bul joly da preparatty aldymen Erlan Qiiasov, odan keiin Ajar Ǵiniiat aldy.
Buǵan deiin QR DSM Sanitariialyq-epidemiologiialyq baqylaý komiteti Vaktsinamen basqarylatyn infektsiialardy baqylaý basqarmasynyń basshysy Nurshai Ázimbaeva «Koronavirýs vaktsinasyn saldyrǵanǵa deiin jáne odan keiin oqshaýlaný kerek pe?» degen suraqqa jaýap bergen bolatyn.
«Shyn máninde oqshaýlaný – adamdardyń basqa bireýlerge virýs juqtyrýynyń aldyn alý úshin kerek. Mundai jaǵdaida koronavirýs vaktsinasyn saldyrǵanǵa deiin jáne odan keiin oqshaýlanýdyń qajeti joq. Biraq adamdar eń aldymen, óziniń qaýipsizdigin oilaýǵa tiis. Sol sebepti vaktsina alatyn adam úshin tolyǵymen karantin rejimin saqtaǵan durys. Vaktsina saldyratyn kez kelgen adamnyń eń birinshiden, deni saý bolýy kerek. Ekpe alǵan adam qorshaǵan ortaǵa qaýipsiz. Vaktsinalanǵan adamǵa koronavirýs juqpaidy. Iaǵni, vaktsina quramynda infektsiialyq negiz joq», - dedi Nurshai Ázimbaeva.
