Qazaqstannyń Bas memlekettik sanitar dárigeri Aijan Esmaǵambetova Qazaqstan Respýblikasynyń halqy arasynda koronavirýs infektsiiasynyń aldyn alý jónindegi sharalardy odan ári kúsheitý týraly qaýly qabyldady, dep habarlaidy "Ult aqparat" QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetine silteme jasap.
Qujatta Qazaqstanǵa shetelden keletin barlyq adamdar 2 táýlikke deiin COVID-19-ǵa zerthanalyq tekserý júrgizý úshin karantindik statsionarda oqshaýlanatyny kórsetilgen. COVID-19 aýrýynyń belgisi bar adamdar karantindik statsionarǵa emes, provizorlyq statsionarǵa emdeýge jatqyzylady.
Shekaradan ótken soń 5 kúnnen keshiktirilmei PTR zerthanalyq tekserýde teris nátije kórsetken anyqtamasy bar adam shet elden kelgen adam úide (úi karantin) 14 táýlik boiy oqshaýlanady.
Úide oqshaýlaý úshin jaǵdai bolmaǵan jaǵdaida karantindik statsionarda oqshaýlaý usynylady.
Alǵashqy eki kúnde COVID-19-ǵa zerthanalyq tekserý nátijelerin alǵannan keiin oń nátijeli adamdar emdeý úshin infektsiialyq statsionarǵa aýystyrylady, COVID-19-ǵa teris nátijeli adamdar 12 táýlik boiy úide (úi karantini) oqshaýlanady. Úide oqshaýlaý úshin jaǵdai bolmaǵan kezde jergilikti atqarýshy organ belgilegen úi-jailarda oqshaýlaý usynylady.
Qazaqstanǵa shet elden kelgen diplomatiialyq ókildik, konsýldyq mekeme jáne halyqaralyq uiymdar ókildiginiń qyzmetkerleri jáne olardyń otbasy músheleri zerthanalyq tekseriledi jáne 14 táýlik boiy úide ózin-ózi oqshaýlaýǵa (úi karantini) jatady.
Aviakompaniialardyń ekipajdary, lokomotiv brigadalarynyń músheleri qońyraý shalý arqyly (múmkindiginshe beineqońyraý shalý) turǵylyqty (kelgen) jeri boiynsha meditsinalyq baqylaýǵa jatady.
Vahtalyq ádispen jumys isteitin, «Teńizshevroil» JShS obektilerinen demobilizatsiialanǵan adamdar COVID-19-ǵa zerthanalyq tekserý júrgizý úshin kelgen orny boiynsha karantindik statsionarda 2 táýlikke deiin oqshaýlaýǵa jatady, oń nátijeli adamdar emdeý úshin infektsiialyq statsionarǵa aýystyrylady, COVID-19-ǵa teris nátijeli adamdar 12 táýlik boiy úide (úi karantini) oqshaýlanady. Úide oqshaýlaý úshin jaǵdai bolmaǵan kezde jergilikti atqarýshy organdar aiqyndaǵan úi-jailarda oqshaýlaý usynylady.
Kóliktegi Bas memlekettik sanitariialyq dárigeri óńirdegi jáne álemdegi qalyptasqan epidemiologiialyq jaǵdaidy eskere otyryp, shet elderden kelgen jolaýshylardy karantindeý týraly sheshim qabyldaýǵa quqyly.
Qazaqstan Respýblikasy Indýstriia jáne infraqurylymdyq damý ministrligi halyqaralyq jolaýshylar qatynastaryn shekteýdi qamtamasyz etý mindettelgen.
Óńirde koronavirýs syrqattanýshylyǵy 7%-dan asatyn deńgeide tirkelgen jaǵdaida oblystardyń, Almaty, Nur-Sultan, Shymkent qalalarynyń aýmaqtaryndaǵy shekteý is-sharalary qolǵa alynady.
Ortalyq memlekettik organdar, quqyq qorǵaý jáne arnaiy organdar, oblystardyń, Almaty, Nur-Sultan, Shymkent qalalarynyń ákimderi óńirde COVID-19 syrqattanýshylyǵynyń ósýi 7%-dan asatyn deńgeide tirkelgen jaǵdaida kópshilik is-sharalaryn (merekelik, sporttyq-kópshilik, oiyn-saýyq, konferentsiialar, seminarlar, kórmeler jáne t. b.) ótkizýge tyiym salady.
Sondai-aq kinoteatrlar, túngi klýbtar, fitnes, trenajer zaldary (ortalyqtary), saýda-oiyn-saýyq ortalyqtary janyndaǵy balalardyń oiyn alańdary, mektepten tys qosymsha bilim berý uiymdary (damytý, bilim berý ortalyqtary, úiirmeler, fakýltativter jáne t.b.), kompiýter klýbtary, Tokio-2020 Olimpiada jáne Paraolimpiada oiyndaryna ulttyq qurama komandalaryn daiyndaý úshin olardy paidalaný kezeńinde ǵana Ulttyq olimpiada komitetinde akkredittelgen sporttyq bazalardy qospaǵanda, sport keshenderiniń (úiirmeler, sektsiialar) qyzmetin toqtatlady.
Óńirde COVID-19 syrqattanýshylyǵynyń ósýi 7%-dan asatyn deńgeide tirkelgen jaǵdaida Qazaqstan Respýblikasy Bilim jáne ǵylym ministrligi 1) bilim berý uiymdaryn qashyqtyqtan oqytýǵa, onyń ishinde bilimdi baǵalaýdyń barlyq túrlerin qashyqtyqtan júrgizýge kóshirýge, oqýshylardyń ekskýrsiiasyna tyiym salýdy qamtamasyz etedi.
Qaýlynyń tolyq mátinimen komitettiń saitynda tanysýǵa bolady.
