Jandos Ómiráliev bas prokýrordyń orynbasary bolyp taǵaiyndaldy, - dep habarlaidy "Ult aqparat" Aqordaǵa ssilteme jasap.
"Memleket basshysynyń ókimimen Jandos Jánibekuly Ómiráliev Qazaqstan Respýblikasy bas prokýrorynyń orynbasary laýazymyna taǵaiyndaldy", - delingen habarlamada.
Jandos Jánibekuly Ómiráliev 1978 jyly dúniege kelgen. Ol Abai atyndaǵy Almaty memlekettik ýniversitetin bitirgen.
Eńbek jolyn 2000 jyly aýdan prokýrorynyń kómekshisinen bastap, osy salada úzdiksiz 18 jyldan asa qyzmet atqaryp keledi. Aqtóbe oblysy prokýratýrasy jáne Batys aimaqtyq kólik prokýratýrasynda basshy laýazymdaryn atqarǵan.
2010-2011 jyldary zańdylyq, quqyqtyq tártip jáne qylmyspen kúres jónindegi Qazaqstan Respýblikasy úilestirý keńesiniń hatshysy - bas prokýrordyń asa mańyzdy tapsyrmalar jónindegi kómekshisi bolǵan.
2011-2017 jyldary arasynda Almaty qalasy prokýrorynyń orynbasary qyzmetin atqarǵan.
2017-2018 jyldary Qazaqstan Respýblikasy Bas prokýratýrasynyń Kadrlyq damý departamentiniń bastyǵy jáne zańdy kúshine engen úkimderdiń zańdylyǵyn jáne olardyń oryndalýyn qadaǵalaý qyzmeti bastyǵynyń orynbasary laýazymdaryn atqarǵan.
Ol "Eren eńbegi úshin" medalimen nagradtalǵan.
Buǵan deiin bas prokýror orynbasary qyzmetin Erlik Kenenbaev atqarǵan edi.
"Memleket basshysynyń ókimimen Erlik Ábdiraqymuly Kenenbaev Qazaqstan Respýblikasy bas prokýrorynyń orynbasary laýazymynan bosatyldy", - delingen habarlamada.
