Májilistiń jalpy otyrysynda «Jańa Qazaqstan» depýtattyq tobynyń saýalyna aýyzsha jaýap bergen QR Bas prokýrory Berik Asylov qańtar oqiǵasy kezinde kúsh qurylymdarynyń jekelegen basshylarynyń is-áreketterin quqyqtyq baǵalaý boiynsha málimet berdi, dep habarlaidy QazAqparat.
Májilistiń jalpy otyrysynda «Jańa Qazaqstan» depýtattyq tobynyń saýalyna aýyzsha jaýap bergen QR Bas prokýrory Berik Asylov qańtar oqiǵasy kezinde kúsh qurylymdarynyń jekelegen basshylarynyń is-áreketterin quqyqtyq baǵalaý boiynsha málimet berdi.
«5 qańtarda Almaty qalasyndaǵy, Almaty, Jambyl jáne Qyzylorda oblystaryndaǵy 2 politsiia departamenti men UQK-niń 3 departamenti óz ǵimarattaryn qarýmen qosa tastap ketken. Osy faktiler boiynsha 7 qylmystyq is qozǵaldy. Olar boiynsha tergeý áreketteriniń negizgi bóligi aiaqtaldy.
Almaty qalasy Ulttyq qaýipsizdik komiteti departamentiniń bastyǵy Majilov qamaýǵa alyndy. Basqa tulǵalarǵa qatysty qazir dálelderdi jinaý jáne taldaý júrgizilýde», - dedi Berik Asylov.
Sondai-aq, Bas prokýror Qorǵanys ministrliginiń burynǵy basshylyǵynyń ókilettikterin asyra paidalaný faktisi boiynsha taǵy bir qylmystyq is tergelip jatqanyn atap ótti.
«Burynǵy Qorǵanys ministri qamaýǵa alyndy. Tergeý jalǵasýda», - dedi ol.
