Referendým kezinde elimizdiń Bas prokýratýrasyna azamattardan 6 ótinish tústi, dep habarlaidy QazAqparat.
Búgingi jalpyhalyqtyq referendým barysyn baiandaityn marafonda Bas prokýratýra ókili Azamat Serǵazin saiasi naýqanǵa daiyndyq pen daýys berý tynysh jaǵdaida ótkenin aitty.
«Osy sátte daýys berý nátijesine áser etetin quqyq buzý faktileri bolǵan joq. Áleýmettik jelilerde referendým ýchaskelerinde daýys berý týraly ártúrli habarlamalar tarap jatyr. Tekserý kezinde olardyń kóbi rastalmady. Áli de tekserý júrip jatyr. Búgin prokýratýra organdaryna azamattardan 6 ótinish kelip tústi. Onyń bireýi - Bas prokýratýraǵa, eki-ekiden - ShQO men BQO prokýratýrasyna, bireýi - Aqtóbe oblystyq prokýratýrasyna baǵyttaldy», - degen marafon barysynda Azamat Serǵazin.
Eske sala keteiik, týra keshki 21.00-de elimizdiń búkil óńirinde referendým ýchaskelerinde daýys berý aiaqtaldy.
Buǵan deiin elimizdiń 12 óńirindegi 8 089 jáne 10 shet memlekettegi Qazaqstan elshilikteri janynan ashylǵan 12 referendým ýchaskesinde jumys aiaqtalyp, komissiia músheleri daýys sanaýǵa kirisken bolatyn.
Bir saǵattan soń Aqtóbe, Atyraý, Batys Qazaqstan, Mańǵystaý jáne Qyzylorda oblystaryndaǵy 1 858 ýchaskede de óńir turǵyndary daýys berip boldy.
Sonymen qatar shet elderdegi 5 ýchaske de jumysyn toqtatty.
