29 qyrkúiekte Bas prokýratýrada Prezident Ákimshiligi, Qaýipsizdik Keńesi, «Atameken» UKP, negizgi ministrlikter basshylarynyń, Parlament depýtattarynyń, quqyq qorǵaý jáne jergilikti atqarýshy organdar, biznes jáne advokattyq qoǵamdastyq ókilderiniń qatysýymen Memleket basshysynyń kásipkerlerdiń problemalyq máselelerin sheshý boiynsha tapsyrmalaryn iske asyrý qorytyndylary talqylandy.
Is-sharany ashqan Bas Prokýror Berik Asylov qazirgi jahandyq syn-qaterler memleket jáne kásipkerler úshin de jańa «oiyn erejelerin» talap etetinin aitty. Sondyqtan ózara árekettesýdiń jańa deńgeii qajet bolatynyna nazar aýdardy.
Bul eń aldymen, biznesti zańsyz tekserýlerden jáne ákimshilik kedergilerdi qysqartýdan qorǵaýǵa, kásipkerlerdi qylmystyq sheńberge negizsiz tartý faktileriniń jolyn kesýge, sondai-aq osy salalardy tsifrlandyrý men avtomattandyrýǵa qatysty.
Memleket basshysynyń tapsyrmalaryn oryndaý aiasynda tekserýlerdi 7 esege qysqartýǵa qol jetkizildi.
Tekserýler sýbektileri men obektileriniń biryńǵai tizilimi (TSOBT) avtomattandyrylǵan júie arqyly jyl saiyn myńdaǵan zańsyz tekserýlerdiń jolyn kesedi. Sońǵy bir jarym jylda 35 myń kásipkerge qatysty 1,5 mlrd teńgege ákimshilik aiyppuldar alyp tastaldy.
Biznes ókilderi Bas Prokýrordyń a.j. 2 qyrkúiektegi qylmystyq qýdalaý organdarynyń atyna adal kásipkerlerdi qylmystyq protseske zańsyz tartýdan qorǵaityn tetikter men naqty erejeler jazylǵan Nusqaýyn oń baǵalady.
Jańa talaptardy oryndaý qazirdiń ózinde oń nátije kórsetti.
Eger buryn kásipkerlerge qatysty ai saiyn 150-ge jýyq qylmystyq is tirkelgen bolsa, qazir olardyń sany tórt esege azaidy.
Jalpy, biyl biznes sýbektilerine qatysty zańsyz qozǵalǵan 400-den astam qylmystyq is toqtatyldy.
Sondai-aq, qadaǵalaý organynda biznestiń árdaiym zańnama talaptaryn saqtai bermeitini atap ótildi. Qarajatty zańsyz qolma-qol aqshaǵa ainaldyrý, salyqtan jaltarý, kapitaldyń jylystaýy jalǵasyp keledi. Ásirese úlestik qurylysta, eńbek quqyqtaryn jáne basqa da salalarda buzýshylyqtar kezdesedi.
«Bizneske qoldaý kórsete otyryp, memleket sizderdiń taraptaryńyzdan zańdardyń múltiksiz oryndalýyna senetinine erekshe nazar aýdarǵym keledi», - dedi Berik Asylov.
Óz kezeginde, «Atameken» UKP Tóralqa tóraǵasy Raiymbek Batalov prokýratýra organdary qurylyp jatqan ekojúieniń mańyzdy bóligi, al kásipkerler men negizgi ministrlikterdiń qadaǵalaý organy alańynda kezdesýi prokýratýra organdarynyń birlesken dialogqa ashyq ekendiginiń taǵy bir dáleli ekenin jetkizdi.
Kásipkerlerdiń quqyqtaryn qorǵaý jónindegi ýákil Rýstam Júrsinov prokýratýra organdarymen tiimdi yntymaqtastyq týraly baiandady. Biznes-ombýdsmen olardy sheshý úshin aýmaqtyq prokýrorlardy jumyldyrýdy qajet etetin kásipkerlerdiń birqatar problemalaryn ortaǵa saldy.
Prokýratýra organdary men baqylaýshy organdar jumysynyń jańa formaty týraly depýtattar men advokattar qoǵamdastyǵynyń ókilderi óz kózqarastaryn bildirdi.
Kezdesý sońynda biznesti qorǵaý boiynsha 2023 jylǵa arnalǵan keshendi is-sharalar jospary qabyldandy.
