QR Palament Májilisinde «Qazaqstan Respýblikasynda qylmystyq qýdalaý jáne jazany oryndaý salasyndaǵy adam quqyqtary týraly» taqyrybynda ótip jatqan jiynda elde qylmys sany azaiǵanymen ony tergeý kezinde azamattardyń quqyǵyn buzý faktileri eselep óskeni aityldy, dep habarlaidy QazAqparat.
Bul týraly QR Bas prokýrorynyń orynbasary Erlik Kenenbaev aitty.
«Memleket basshysynyń tapsyrmasy boiynsha 2020 jyldan bastap úsh býyndy modeldi kezeń-kezeńmen engizýge kiristik. Bul reforma birneshe sebepterge negizdelgen», - dep bastady Bas Prokýrordyń orynbasary.
Sondai-aq ol qylmystyq protsester kezinde jol berilgen zańsyzdyqtar boiynsha prokýratýra organdarynyń keshigip áreket etetini týraly syn kóp aitylǵanyn eske aldy.
«Qazaqstanda sońǵy 6 jylda qylmys sany 2,5 ese tómendegen. Biraq, sonymen qatar, qylmystyq protseste azamattardyń quqyqtaryn buzý 6 ese ósken. Qoǵam tergeý jumysynyń sapasyna narazy boldy. Bizge isti sozbalańǵa salý, ókilettikti teris paidalaný týraly shaǵymdardyń sheksiz aǵyny kelip jatty. Bizdiń tarapymyzǵa bul turǵydaǵy zań buzý faktilerine «postfaktým» rejimde nazar aýdarǵan degen syn aityldy.
Prokýrorlar tergeý materialdarymen tek isti sotqa joldardyń aldynda ǵana nemese is irkilgende jáne toqtatylǵan kezde ǵana tanysyp keldi. Basqasha aitsaq, prokýorlar sotqa deiingi tergeý isterine formaldy túrde ǵana aralasyp kelgen edi», - dedi Erlik Kenenbaev.
Onyń aitýynsha, qylmystyq protsedýralardyń úsh býyndy modeli engizile bastaǵan tustan beri prokýrorlardyń zań aiasyndaǵy múmkindigi artqan.
