Bas prokýratýra Qordai oqiǵasynyń qatysýshylaryna qatysty shyqqan úkimge túsinik berdi, dep habarlaidy QR Bas prokýratýrasynyń baspasóz qyzmeti.
Baspasóz qyzmetiniń málimetterine qaraǵanda, 29 qyrkúiekte buqaralyq aqparat quraldary Almaty garnizony áskeri sotynyń Qordai aýdanynda bolǵan jappai tártipsizdikterge qatysqan jeti adamdy sottalǵanyn habarlady.
Almaty garnizony áskeri sotynyń úkimimen urlyq jasaǵandary jáne jappai tártipsizdikterge qatysqandary úshin áskeri qyzmetshi Ý. Atanbaev, sondai-aq A. Tileýǵaliev, A. Nurahanov, E. Býralkinov, R. Bejibai, M. Dúisenbaev jáne B. Ibragimov 3-ten 9 jylǵa deiingi merzimge bas bostandyqtarynan aiyryldy.
Buryn tergeý barysynda Ý. Atanbaevqa jáne onyń sybailastaryna qatysty materialdar istiń áskeri sotqa jiberilýine bailanysty jeke is júrgizýge bólek alynǵan bolatyn.
Sonymen qatar 21 shildede arnaiy prokýrorlar 51 adamǵa qatysty tergeýdi aiaqtady.
Olarǵa biylǵy jyldyń aqpan aiynda Masanshy, Bular batyr jáne Aýqatty aýyldarynda bolǵan oqiǵalar barysynda kúsh qoldaný, kisi óltirý, múlikti órteý jáne qiratý, jappai tártipsizdikterge arandatý jáne bilik ókilderiniń talaptaryna baǵynbaý boiynsha aiyp taǵyldy.
Qazirgi ýaqytta aiyptalýshylar qylmystyq is materialdarymen tanysýda, sodan keiin is sotqa joldanatyn bolady.
«Sondai-aq biylǵy jyldyń naýryz ben tamyz ailary aralyǵynda politseilerge zorlyq-zombylyq kórsetken aǵaiyndy Voingýidiń (18 naýryzda 1,5 jylǵa bas bostandyǵynan aiyryldy) Qudashbaevtarǵa qatysty adamdar tobynda densaýlyqqa qasaqana ortasha aýyrlyqtaǵy ziian keltirgenderi jáne buzaqylyq jasaǵandary úshin ákeli-balaly Iýnhýdyń (24 sáýirde árqaisysy sáikesinshe 2,5 jylǵa bas bostandyǵynan aiyryldy jáne shekteldi) 54 dana «Molotov» kokteilin daiyndaǵany jáne tasymaldaǵany úshin R. Veiserdiń (12 tamyzda 3 jylǵa bas bostandyǵynan aiyryldy) sottalǵandaryn eske salamyz», - delingen habarlamada.
