Bas prokýratýranyń keńeitilgen alqa otyrysynda qańtar oqiǵalary kontekstinde qylmystyq protsestegi azamattardyń konstitýtsiialyq quqyqtaryn saqtaý máseleleri talqylandy, dep habarlaidy QazAqparat.
Onyń jumysyna Bas Prokýrordyń mindetin atqarýshy Berik Asylov, Adam quqyqtary jónindegi ýákiletti Elvira Ázimova men Respýblikalyq advokattar alqasy tóraǵasynyń orynbasary Igor Vranchev, sondai-aq quqyq qorǵaý jáne arnaiy organdardyń basshylary qatysty.
Is-sharany ashqan B.Asylov Memleket basshysynyń tapsyrmasy boiynsha qaiǵyly oqiǵanyń sebepteri muqiiat tergep-tekserilip jatqanyn atap ótti.
«Qazir biz beibit mitingilerdi ártúrli kúshterdiń paidalanǵanyn naqty bilemiz. Uiymdastyrýshylar destrýktivti jáne qylmystyq toptardy tartyp, qarýlandyryp, olardyń áreketterin úilestirgen. Tártipsizdikter azamattarǵa qarsy zorlyq-zombylyqpen, qiratýmen jáne tonaýmen qatar júrgen. Olardyń maqsaty halyqty qorqytyp, biliktiń jumysyna tosqaýyl qoiý bolǵan», - dedi B.Asylov.
Bas prokýratýranyń Qylmystyq qýdalaý qyzmetiniń bastyǵy Serik Shalabaev óz kezeginde: «Jappai tártipsizdikter kezinde jáne odan keiin ustalǵan tulǵalardyń quqyqtarynyń saqtalýyn Bas prokýratýra erekshe baqylaýda. Búgingi tańda azaptaý jáne qyzmettik ókilettikti asyra paidalaný boiynsha 203 qylmystyq is qozǵalǵan, olardyń ishindegi eń rezonanstylaryn arnaiy prokýrorlar tergeýde. Sotqa deiingi tergep-tekserý barysynda ustalǵandarǵa qatysty zańsyz tergeý ádisterin qoldandy degen kúdikpen 9 qyzmetker anyqtalyp, ustaldy», - dep atap ótti.
S.Shalabaevtyń aitýynsha, qańtardaǵy qaiǵyly oqiǵanyń nátijesinde tergeý-jedel toptary terrorizm aktileri, kisi óltirý, qarý urlaý jáne jappai tártipsizdikter boiynsha 3502 qylmystyq isti tergeýde. Olardy boiynsha 737 kúdikti adam tergeý izoliatorynda qamaýda.
Sondai-aq ol, bultartpaý sharasyn ózgertýmen 307 adam, onyń ishinde 27 kámeletke tolmaǵandar bosatylǵanyn, odan basqa eki kámeletke tolmaǵandar qamaýda qalǵany týraly aitty. Búginde bultartpaý sharasyn ózgertý týraly arnaiy prokýrorlardan taǵy 22 adamǵa qatysty materialdar túsken.
«Qańtar oqiǵasyna qatysty ister boiynsha 1,5 myńǵa jýyq oqiǵa oryndaryn qaraý júrgizildi, 1500-den astam sot-meditsinalyq saraptamalar taǵaiyndaldy. Prokýratýra organdaryna tergeýdiń zańsyz ádisteri men azaptaýdy qoldaný týraly 283 aryz tústi. Oǵan kináli quqyq qorǵaý organdarynyń qyzmetkerleri zań aldynda qatań jaýapqa tartylatyn bolady», - dedi S.Shalabaev.
Qadaǵalaý organy barlyq jaǵdaida daýsyz dálelderge negizdelgen obektivti jáne beitarap baǵa berilip, azamattardyń konstitýtsiialyq quqyqtarynyń qolsuǵylmaýshylyǵy qamtamasyz etiletinine sendirdi.
Jiyn sońynda Bas Prokýrordyń m.a. Konstitýtsiiaǵa sáikes memlekettiń eń joǵary qundylyǵy adam jáne onyń ómiri, quqyqtary men bostandyqtary ekenin atap ótti. Negizgi zań azaptaýǵa, zorlyq-zombylyqqa, qatygezdikke nemese ar-namysty qorlaityn áreketterge naqty tyiym salady.
Prokýrorlar tergeý izoliatorlary men basqa da qyzmettik úi-jailardy kún saiyn, onyń ishinde túngi ýaqytta jáne demalys kúnderi tekserýdi jalǵastyrady.
Bul jumys Ulttyq aldyn alý tetiginiń qatysýshylarymen jáne quqyq qorǵaýshylarmen tyǵyz bailanysta júrgiziletin bolady.
