Qańtar oqiǵasy boiynsha 3 770 qylmystyq is qozǵalǵan, dep habarlaidy QazAqparat.
Bul týraly QR Bas prokýrory Berik Asylov Májilistiń jalpy otyrysynda «qańtar qasireti» boiynsha tergeý barysy týraly depýtattardyń saýalyna bergen aýyzsha jaýabynda aitty.
«Memleket basshysy quqyq qorǵaý jáne arnaýly organdarǵa qańtar oqiǵasy sebepterin egjei-tegjeili tergep, tekserýdi tapsyrdy. Atalǵan faktiler boiynsha barlyǵy 3770 qylmystyq is qozǵaldy. Basym bóligi Ishki ister ministrliginiń óndirisinde. Olar: adam óltirý, urlyq, qaraqshylyq. buzaqylyq qarý urlaý», - dedi Bas prokrýor.
Onyń málimeti boiynsha, sybailas jemqorlyqqa qarsy qyzmet tergeýdiń zańsyz tásilderin qoldaý faktileri boiynsha 234 is júrgizýde.
«Ulttyq qaýipsizdik komiteti memleketke opasyzdyq jasaý, bilikti basyp alýǵa áreket etý jáne asa iri mólsherde para alý boiynsha 15 isti tergeýde. Bul ister boiynsha Ulttyq qaýpisizdik komitetiniń burynǵy tóraǵasy Másimov jáne onyń úsh orynbasary sot sanktsiiasymen qamaýǵa alyndy. Osy, organnyń taǵy 2 basshysy, bilikti asyra paidalaný kúdigimen, qylmystyq jaýapqa tartylýda», - dedi Berik Asylov.
